Ad Litvy da Novaj Ziełandyi. Źjaviłasia kulturnaja karta biełarusaŭ zamiežža
Stvaralniki karty biełaruskaha biznesu za miežami Biełarusi pradstavili novy pradukt — kulturnuju kartu biełaruskaha zamiežža. Pavodle stvaralnikaŭ, jaje zadača — dapamahčy ziemlakam adšukać miescy, źviazanyja ź Biełaruśsiu, hłybiej daviedacca ŭłasnuju historyju i kulturu, uśviadomić uniosak uradžencaŭ našych ziamiel u historyju i kulturu inšych krain i ŭsiaho śvietu, piša «Lusterka».
Na karcie bolš za 200 kropak: znakavyja miescy, pomniki, muziei, mahiły i navat hory, nazvanyja ŭ honar našych ziemlakoŭ. Kaardynaty paznačanyja ŭžo ŭ 30 krainach — ad susiednich ź Biełaruśsiu Litvy, Ukrainy, Rasii i Polščy da dalokich ZŠA, Kanady, Aŭstralii i navat Čyli.
«Pracujučy nad BYMAPKA, my zaŭvažyli, što biełarusam padabajecca padtrymlivać svaich i zakazvać pasłuhu ŭ biełarusaŭ. Adsiul u nas źjaviłasia ŭpeŭnienaść, što mnohim z nas budzie cikava daviedacca pra kulturnyja artefakty, jakija zachoŭvajucca ŭ muziejach ich horada, abo architekturnyja abjekty, źviazanyja z našaj historyjaj», — raskazali aŭtary prajekta.
U pierśpiektyvie kamanda «Kultmapki» płanuje raspracavać dadatkovuju opcyju, jakaja dapamoža karystalnikam prakłaści samy karotki maršrut da najbližejšaha biełaruskaha miesca.
Stvaralniki karty taksama zaklikajuć biełarusaŭ dasyłać im kaardynaty miescaŭ, źviazanych ź Biełaruśsiu i jaje ŭradžencami, — kab zrabić jaje maksimalna poŭnaj.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?20
Kamientary
Ale ŭ bolšaści nac-kukołdaŭ usie adno apisańni na maskavickam dyjalekcie bałharskaj