Ад Літвы да Новай Зеландыі. З'явілася культурная карта беларусаў замежжа
Стваральнікі карты беларускага бізнэсу за межамі Беларусі прадставілі новы прадукт — культурную карту беларускага замежжа. Паводле стваральнікаў, яе задача — дапамагчы землякам адшукаць месцы, звязаныя з Беларуссю, глыбей даведацца ўласную гісторыю і культуру, усвядоміць унёсак ураджэнцаў нашых зямель у гісторыю і культуру іншых краін і ўсяго свету, піша «Люстэрка».
На карце больш за 200 кропак: знакавыя месцы, помнікі, музеі, магілы і нават горы, названыя ў гонар нашых землякоў. Каардынаты пазначаныя ўжо ў 30 краінах — ад суседніх з Беларуссю Літвы, Украіны, Расіі і Польшчы да далёкіх ЗША, Канады, Аўстраліі і нават Чылі.
«Працуючы над BYMAPKA, мы заўважылі, што беларусам падабаецца падтрымліваць сваіх і заказваць паслугу ў беларусаў. Адсюль у нас з'явілася ўпэўненасць, што многім з нас будзе цікава даведацца пра культурныя артэфакты, якія захоўваюцца ў музеях іх горада, або архітэктурныя аб'екты, звязаныя з нашай гісторыяй», — расказалі аўтары праекта.
У перспектыве каманда «Культмапкі» плануе распрацаваць дадатковую опцыю, якая дапаможа карыстальнікам пракласці самы кароткі маршрут да найбліжэйшага беларускага месца.
Стваральнікі карты таксама заклікаюць беларусаў дасылаць ім каардынаты месцаў, звязаных з Беларуссю і яе ўраджэнцамі, — каб зрабіць яе максімальна поўнай.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?20
Каментары
Але ў большасці нац-куколдаў усе адно апісанні на маскавіцкам дыялекце балгарскай