«Surjozny sihnał usioj siłavoj sistemie». Siłaviki Łukašenki abjaŭleny ŭ vyšuk
Asoby, jakija paciarpieli ad hvałtu na terytoryi Biełarusi, padali zajavy ŭ prakuratury šerahu krain ab zaviadzieńni kryminalnych spraŭ pa faktach ździejśnienych u dačynieńni da ich złačynstvaŭ, źviazanych z hvałtam u pieryjad zatrymańnia abo znachodžańnia ŭ źniavoleńni. Hetyja złačynstvy ŭčyniajucca ŭ kantekście biahučaha šyrokamaštabnaha i sistematyčnaha napadu suprać hramadzianskaha nasielnictva ŭ pieryjad z traŭnia 2020 hoda pa ciapierašni čas, paviedamlaje Abjadnany pierachodny kabiniet.
![](http://nashaniva.com/img/w732d4webp1/photos/z_2023_03/-t9txe-lm9d9.jpg.webp)
Hetyja zajavy paciarpiełyja asoby majuć prava padać faktyčna ŭ luboj krainie śvietu, pakolki katavańni i inšyja žorstkija, biesčałaviečnyja abo źnievažalnyja hodnaść vidy abychodžańnia ŭniviersalna zabaronienyja.
Pa źviestkach, jakija maje kamanda NAU, prakurorami Polščy pryniatyja rašeńni ab abjaŭleńni ŭ vyšuk šerahu biełaruskich siłavikoŭ, jakija padazrajucca ŭ ździajśnieńni aktaŭ hvałtu na terytoryi Biełarusi. Ich imiony nie nazyvajucca.
Hetyja asoby padlahajuć zatrymańniu i dalejšamu pryciahnieńniu da kryminalnaj adkaznaści ŭ ramkach miechanizmu ŭniviersalnaj jurysdykcyi ŭ adpaviednaści z nacyjanalnym zakanadaŭstvam Polščy, a taksama tych krain, dzie zaviedzieny padobnyja kryminalnyja spravy.
Paciarpiełyja na terytoryi Biełarusi ad katavańniaŭ i hvałtu biełaruskich siłavikoŭ padali zajavy ŭ prakuratury Polščy, Litvy, Čechii, Hiermanii, Šviejcaryi, Ukrainy i šerahu inšych krain.
Z hetaj nahody namieśnik kiraŭnicy Kabinieta, kiraŭnik NAU Pavieł Łatuška adznačyŭ:
«Abjava ŭ vyšuk padazravanych biełaruskich siłavikoŭ — heta surjozny sihnał usioj siłavoj sistemie Łukašenki, što nichto nie sydzie ad adkaznaści, i asoby, jakija ździajśniali i praciahvajuć ździajśniać złačynstvy suprać čałaviečnaści, padlahajuć pieraśledu praktyčna va ŭsich krainach śvietu i dalejšamu pakarańniu. Hetyja spravy nie majuć terminu daŭniny».
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary