Bieražy hałavu. Šapki ad biełaruskich vytvorcaŭ, u jakich budzie nie tolki ciopła, ale i pryhoža
Šapka — toj aksesuar, jaki pavinien nie tolki sahravać, ale i ŭpryhožvać. Vybrali dla vas fajnyja madeli, jakija nie zachočacca zdymać.
Mała chto lubić šapki, i heta całkam zrazumieła — jany lohka mohuć sapsavać navat samy stylny łuk. Ale hetaj vosieńniu nam nie daviadziecca achviaravać ciapłom dziela pryhažości. Sabrali dla vas najmadniejšyja hałaŭnyja ŭbory ad biełaruskich dyzajnieraŭ.
Čepčyki ad Ksienii Jesipavaj
Viazany čepčyk — pisk asieńnie-zimovaha siezona. Jaho nosiać jak z kłasičnymi palito, tak i sa spartyŭnymi puchavikami i kurtkami. Plus takoha aksiesuara — varyjatyŭnaść vobrazaŭ, jakija možna ź im rabić. U zaviazanym vyhladzie atrymajecca dalikatny łuk u styli Džejn Ościn, u raźviazanym — niebiaśpiečny hranž, jak u Kiejt Mos. Nabyć takuju pryhažosť možna u dyzajnierki Ksienii Jesipavaj.
Šapki z ražkami ad Babyshka Rusalka
Šapki z «ražkami» ci «vuškami», jakija stvaraje brend Babyshka Rusalka, zastajucca ŭ modzie. Takaja madel patrapiła ŭ trendy paru hadoŭ tamu i, vierahodna, zatrymajecca z nami jašče niekalki chałodnych siezonaŭ. Dyzajniery i stylisty prapanujuć nasić takija sa strymanym viercham — adnatonnym palito abo švedaram, nadzietym na padoŭžanuju kašulu. Akramia hetaha, taki aksiesuar prapanujecca modnicam za 40 — u ich harderob takaja šapka ŭniasie krychu chulihanstva.
Vytančany kapialušyk ad Viery Skubajevaj
Padabrać kapialušyk, jaki budzie adpaviadać usim modnym trendam i lohka ŭpišacca ŭ sučasny harderob, — nie lohkaja zadača. Na ščaście, dyzajniercy Viery Skubajevaj udałosia stvaryć mienavita takuju madel — nie vyčvarnuju i ŭ mieru kreatyŭnuju. Kab vobraz zajhraŭ, dadajcie da jaho tonkija skuranyja palčatki.
Ciopłyja šapki ad Zimaby
Tym, kamu chočacca niečaha zvykłaha, padyduć abjomnyja hałaŭnyja ŭbory ad Zimaby. Takija hladziacca adčuvalna lepš za zvyčajnyja trykatažnyja šapki: jany trymajuć formu i vizualna nie dadajuć lišniaha abjomu ščokam.
Bałakłavy ad Šalik Baktus
Šapka, jakaja źjaviłasia ŭ našych šafach dziakujučy fanackamu ruchu ultras, paśpiachova zavajoŭvaje śviet mody. Asnoŭny plus bałakłavy ad brenda Šalik Baktus — ciepłynia i adsutnaść nieabchodnaści nasić švedar z vysokim horłam. Akramia taho, takaja šapka vydatna padydzie intraviertam — u ich źjavicca dobraja padstava, kab nie ŭdzielničać u niepatrebnych razmovach.
Darečy, bałakłava — nie adziny aksesuar z fanackaha harderoba, jaki pierajšoŭ na modnyja padmostki. Zusim niadaŭna źjaviŭsia novy trend — błokkor. Pra jaho my padrabiazna raskazvali ŭ hetym artykule.
Paciešnyja šapki ad Docker.head
Ad vietra takaja šapka nie abaronić, zatoje vierchavinu sahreje dobra. Fiška mužčynskaj madeli — papružka, jakaja rehuluje pamier, žanočaj — paciešnyja vuški, jakija nikoha nie pakinuć abyjakavym. Kupić upadabanuju šapku možna ŭ brenda Docker.head.
Kali ŭ vašym šopinh-liście značycca jašče i palito, zazirnicie ŭ padborku vierchniaha adzieńnia ad biełaruskich dyzajnieraŭ — i stylny vosieński łuk vam zabiaśpiečany.
-
Biełaruskam prapanoŭvajuć vip-šopinh sa stylistkaj u Italii. Bonus — invalid pieršaj hrupy ŭ kampanii. Navošta?
-
«Kab dzieci nie vyhladali, jak maleńkija čynoŭniki». Dyzajnierka padkazvaje, jak vybrać školnuju formu z katałoha «Biellehprama»
-
Stryžak ździviŭ svaim jarkim kaściumam z Super Mario. Dzie jon jaho ŭziaŭ?
Vaskrasienski patłumačyŭ, što Łukašenka choča ŭ abmien na palitviaźniaŭ. I pachvaliŭ Usava, Bałkunca i Harbunovu31
Kamientary
poetomu mnie vsie śmiešno rievit... kohda mnie hovoriat - da u tiebia ž tam 10 vinda
ja dauno (mnoho let nazad) sama (!) dopietriła, kak obchodiť jeje) hlučnuju 10 vindu)
nu vot... kak-to tak