Adna ź siaścior Hruździevych nabyła palito «lubimaha brenda Pucina» za 3,5 tysiačy rubloŭ. Ale pamyliłasia
Siostry Hruździevy ŭ pierapynkach pamiž raźjezdami pa roznych haradach Biełarusi ŭ miežach dyjałohavych placovak «Razam z mastactvam» (padčas jakich artysty raskazvajuć miascovym, jak u Biełarusi žyć dobra) pakazvajuć u instahramie svaje budni ŭ Minsku. Niadaŭna jany prasili padpisčykaŭ dapamahčy abrać palito: adzin z varyjantaŭ kaštavaŭ bolš za 3,5 tysiačy rubloŭ, druhi — amal piać.
Pa vopratku Hruździevy, jakija vielmi lubiać raspaviadać pra patryjatyzm, čamuści pajšli nie ŭ «Elemu», a ŭ kramu, dzie pradajucca niatannyja rečy zachodnich brendaŭ.
Naprykład, klatčastaje palito Dorothee Schumacher (niamiecki brend), jakoje vielmi spadabałasia adnoj ź siaścior, kaštuje 4 850 rubloŭ. A padšyvanaje palito ad italjanskaj marki Parajumpers — 3 560 rubloŭ.
U storys Hruździevy napisali pra Parajumpers, što «Pucin lubić hety brend». Nieviadoma, ci hety fakt staŭ hałoŭnym pry vybary vopratki, ale mienavita heta palito ŭ vyniku ŭziała adna sa śpiavačak.
Dla paraŭnańnia: siaredniestatystyčnamu biudžetniku treba pracavać amal try miesiacy, kab zarabić na takoje. Niadaŭna na STB prapahandysty pierajmalisia, jak vychavać u ludziej luboŭ da «pravilnych» kaštoŭnaściaŭ i pierakanać, što miech bulby — heta kruta, a šampanskaje i Maldyvy — nie.
Pucin, praŭda, addaje pieravahu inšamu brendu — Loro Piana. Mienavita ŭ ich puchaviku jon źjaviŭsia ŭ minułym hodzie na kancercie ŭ honar dałučeńnia Kryma da Rasii. Treba adznačyć, što hety brend značna daražejšy za Parajumpers. Toj samy puchavik Pucina kaštavaŭ 1,4 miljona rasijskich rubloŭ (kala 15 tysiač dalaraŭ).
Cikavy fakt: sam brend paśla pačatku vajny padtrymaŭ Ukrainu. Hrupa LVMH (joj naležyć brend Loro Piana), jak i mnohija inšyja jeŭrapiejskija brendy kłasa luks, spyniła pastaŭki ŭ Rasiju i zakryła svaje kramy na niavyznačany termin. Kampanija dapamahaje žycharam Ukrainy, robiačy achviaravańni asacyjacyjam, jakija dastaŭlajuć humanitarnuju dapamohu. Pjer Łuidžy, adzin z uładalnikaŭ Loro Piana, zajaviŭ, što jamu było soramna bačyć Pucina ŭ ich puchaviku.
Hanarar dla siaścior Hruździevych. Kolki kaštujuć biudžetu vystupy artystaŭ na dziaržaŭnych kancertach
«Ščaślivaja, što źjaviŭsia ŭrok patryjatyčnaha vychavańnia!» Jak prajšło 1 Vieraśnia dla Hruździevych i inšych zorak prapahandy
Ad Zanzibara da Kyrhyzstana. Dzie adpačyvajuć praŭładnyja śpiavački i prapahandysty
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»27
Kamientary
jedupuchovik.