U Adesie ranicaj adbylisia vybuchi — jak miarkujecca, paśla ŭdaru balistyčnych rakiet
«Adeski rajon, budźcie ŭ schoviščach da adboju pavietranaj tryvohi», — źviarnuŭsia da hramadzian kiraŭnik Adeskaj abłasnoj vajennaj administracyi Aleh Kipier.
U Adesie ranicaj 30 kastryčnika prahučali vybuchi padčas pavietranaj tryvohi na poŭdni Ukrainy. Pakul viadoma pra minimum try vybuchi ŭ Adesie.
Pavietranyja siły USU papiaredžvali pra pahrozu prymianieńnia balistyčnaj zbroi ŭ Adeskaj vobłaści.
«Adeski rajon, budźcie ŭ schoviščach da adboju pavietranaj tryvohi», — źviarnuŭsia da hramadzian kiraŭnik Adeskaj abłasnoj vajennaj administracyi Aleh Kipier.
«Balistyčnaja rakieta, kali jana zapuščanaja z terytoryi Kryma, lacić davoli karotki čas. Ad startu da prylotu ličanyja chviliny. Treba heta razumieć i nieadkładna reahavać. Bo balistyka — heta chutka. Ułasna takoje ciapier i adbyłosia, — prakamientavaŭ udary pradstaŭnik Pavietranych sił USU Juryj Ihnat. — Paviedamili, što ŭžo jość vybuchi. Budziem čakać paviedamleńniaŭ ad miascovych uładaŭ, jaki typ uzbrajeńnia byŭ užyty».
Vajskovy ekśpiert Alaksandr Kavalenka vykazaŭ zdahadku, što heta byli zvyšhukavyja supraćkarabielnyja rakiety «Oniks». «Niahledziačy na toje, što ŭ Adesie niama srodkaŭ SPA, zdolnych pierachoplivać «Oniks», užyvalisia jany raniej pieravažna ŭnačy», — cytuje słovy Kavalenki Bi-bi-si.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA15
Kamientary