Pažyćciovaje. U Krupkach abviaścili prysud za dvajnoje zabojstva
16 krasavika 37-hadovy mužčyna, nie žadajučy adpuskać žonku da sapiernika, zastreliŭ spačatku jaje paluboŭnika, a potym i samu žančynu.
U sudzie Krupskaha rajona siońnia ahučany prysud: pažyćciovy termin z adbyvańniem u papraŭčaj kałonii asobaha režymu. Taksama sud pastanaviŭ spahnać kampiensacyju maralnaj škody 80 tysiač rubloŭ i dziaržaŭnuju pošlinu pamieram 222 rubli, piša «Minskaja praŭda».
Siońnia ranicaj mužčyna skazaŭ u sudzie apošniaje słova. U im jon viarnuŭsia da taho momantu, kali daviedaŭsia pra zdradu žonki. Jon raspavioŭ, što tady byŭ składany pieryjad u ich žyćci. Mabyć, kožny davaŭ rady hetamu pa-svojmu.
Vinu abvinavačany nie admaŭlaŭ i ličyŭ, što ŭžo pakaraŭ siabie sam. A jaho svajaki ŭ sudzie ŭ hety momant ledź strymlivali emocyi. Na ich dumku, žonka abvinavačanaha sama daviała da fatalnaha momantu, bo muž usio rabiŭ dla jaje.
Niezadoŭha da trahiedyi sprava nabližałasia da razvodu, adnak niešta pajšło nie tak. Nie admaŭlajuć svajaki i taho, što abvinavačany i jaho žonka vypivali, choć nastojvajuć na tym, što ŭ krasaviku, kali było ździejśniena złačynstva, mužčyna lišniaha z ałkaholem sabie nie dazvalaŭ.
U siaredzinie krasavika jon spačatku źbiŭ paluboŭnika žonki, nanios jamu nie mienš za vosiem udaraŭ pa tvary, a zatym streliŭ u hrudzi z palaŭničaj strelby, jakaja lažała ŭ aŭtamabili. Druhoj achviaraj stała žonka abvinavačanaha — joj streł pryjšoŭsia ŭ hałavu.
«Skazała, što ja nie tak da jaje zalacaŭsia». Abvinavačvany ŭ dvajnym zabojstvie ŭ Krupskim rajonie vystupiŭ z apošnim słovam
«Mabyć, mocna kachaŭ svaju žonku». Što viadoma pra padvojnaje zabojstva ŭ Krupkach
Padvojnaje zabojstva ŭ Krupkach: mužčyna zastreliŭ svaju žonku i jaje znajomaha
Rasstreł. U Słucku vyniesieny prysud baćkam, jakija zakatavali trochhadovaha syna
Baćki zakatavanaha trochhadovaha chłopčyka vystupili z apošnim słovam. Adzin škadavaŭ, što žyćcio tak skłałasia, druhaja pramaŭčała
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary