«Skazała, što ja nie tak da jaje zalacaŭsia». Abvinavačvany ŭ dvajnym zabojstvie ŭ Krupskim rajonie vystupiŭ z apošnim słovam
16 krasavika hetaha hoda 37-hadovy žychar Krupskaha rajona, nie žadajučy adpuskać žonku da sapiernika, zastreliŭ spačatku jaje paluboŭnika, a potym i samu žančynu.
Paśla ŭčynienaha złačynstva jon patelefanavaŭ u dziažurnuju častku rajonnaha adździeła ŭnutranych spraŭ i paviedamiŭ ab zroblenym. Zaraz mužčynu pahražaje pakarańnie ŭ vyhladzie pažyćciovaha pazbaŭleńnia voli, paviedamlaje mlyn.by.
Kropka ŭ hetaj spravie pavinna być pastaŭlena siońnia, 30 kastryčnika.
Apošniaje słova abvinavačvany pačaŭ z taho samaha momantu, kali daviedaŭsia pra zdradu žonki:
— Vyrašyli, što treba heta pieražyć, ciažki pieryjad u žyćci. Kali ŭsio heta vylezła, ja spytaŭ: «Čamu, navošta?» [Jana] skazała, što prosta pobyt. Tak, ja byŭ uvieś čas zaniaty. Moža, heta pasłužyła tryhieram. Skazała, što ja nie tak da jaje zalacaŭsia. Moža. Pačała prasić prabačeńnia, ja paniavoli vieryŭ. Nie dumaŭ, što tak možna chłusić naohuł.
Jak usio vyjšła, sam nie razumieju. Viedaju dakładna, što nie chacieŭ ni svaich, ni čužych dziaciej pakidać sirotami.
Nakont prabačeńnia i raskajańnia … ja nikoli nie byŭ kryvadušny. Liču, što słovy mohuć prynieści tolki bol. Ja pra heta škaduju, ale, na žal, ničoha nie viernieš. Luboje pakarańnie nie budzie takim strohim, jak ja sam siabie pakaraŭ.
U zale čulisia vokličy svajakoŭ abvinavačvanaha.
Sud vyjšaŭ dla vyniasieńnia prysudu. Jaho ahučać a 15:00.
«Mabyć, mocna kachaŭ svaju žonku». Što viadoma pra padvojnaje zabojstva ŭ Krupkach
Padvojnaje zabojstva ŭ Krupkach: mužčyna zastreliŭ svaju žonku i jaje znajomaha
Rasstreł. U Słucku vyniesieny prysud baćkam, jakija zakatavali trochhadovaha syna
Baćki zakatavanaha trochhadovaha chłopčyka vystupili z apošnim słovam. Adzin škadavaŭ, što žyćcio tak skłałasia, druhaja pramaŭčała
Kali Kanapackaja stała całkam padkantrolnaja Łukašenku?16
Kamientary
🤷🏻♂️
Nu i začiem stolko krovi i pafosa?! Uchodit?! Otpuskaj vo vsie storony!!! Svoboda i Zdorovje - vot HŁAVNOJE!!! A sidieť na narach ili ležať s prostrielennoj baškoj po VMN - KAKOJ TOŁK?!