Pry pierasiačeńni litoŭskaj miažy ravarysty pavinny buduć stajać u ahulnaj čarzie z mašynami
U pamiežnych čatach 11-12 listapada źjaviłasia infarmacyja pra toje, što na pamiežnych pierachodach «Pryvałka/Rajhard» i «Bieniakoni/Salečniki» pry prachodžańni miažy na litoŭskim baku ravarystaŭ staviać u adnu čarhu z aŭtamabilami. Na haračaj linii pamiežnaj słužby Litvy Office Life paćvierdzili hetuju infarmacyju.
Pryčyn pryniaćcia takoha rašeńnia ŭ litoŭskaj pahransłužbie nie paviedamili, ale zajavili, što jano raspaŭsiudžvajecca na ŭsie pahranpierachody na biełaruskaj miažy.
Sutnaść u tym, što dahetul na litoŭskich pamiežnych pierachodach byli śpiecyjalnyja miescy, dzie piešachody i ravarysty pavinny byli čakać, pakul ich prapuściać na mytny i pamiežny kantrol. Ciapier na litoŭskim baku čerhi dla ravarystaŭ i mašyn stali ahulnymi (dla hramadzian ES — adna, dla hramadzian inšych dziaržaŭ — inšaja).
U biełaruskim Dziaržpahrankamitecie paviedamili, što ŭ nas nijakich abmiežavańniaŭ pa pierasiačeńni miažy dla ravarystaŭ nie prymałasia. Ale paraili ŭdakładniać situacyju na kankretnych pahranpierachodach.
Z-za abmiežavanaj kolkaści pahranpierachodaŭ na miažy ź Jeŭrasajuzam čerhi tam prykmietna vyraśli. U pieryjady praciahłych vychadnych i śviatočnyja dni jany časam pavialičvajucca ŭdvaja. Z ulikam paharšeńnia ŭmoŭ nadvorja stajać u ahulnaj čarzie ravarystam, imavierna, budzie nie vielmi kamfortna.
Byłaja deputatka Maryja Vasilevič sabrałasia zamuž FOTA12
Kamientary