U Tabarach pad Minskam užo pradajucca sapraŭdnyja žyvyja jalinki
Dla mnohich žyvaja jalinka — heta siamiejnaja tradycyja. Adnak śsiečanaje dreva navat pry naležnym dohladzie budzie radavać źniešnim vyhladam i pacham nie bolš za paru tydniaŭ.
Na rynku «Novy Lebiadziny» ŭžo pradajucca žyvyja jalinki ŭ harškach. Heta vydatnaja alternatyva nie tolki štučnaj jalincy, ale i śsiečanaj, paviedamlajecca ŭ instahram-akaŭncie rynka.
Dla mnohich žyvaja jalinka — heta siamiejnaja tradycyja. Adnak śsiečanaje dreva navat pry naležnym dohladzie budzie radavać źniešnim vyhladam i pacham nie bolš za paru tydniaŭ. A paśla śviataŭ jalinku treba ŭtylizavać, addaŭšy na pierapracoŭku.
Tym, chto lubić sapraŭdnyja jalinki, ale suprać vysiečki (navat lehalnaj), padydzie varyjant u haršku − pryčym heta moža być nie tolki jalinka, ale i sasna, tuja abo jadłoviec.
Kali nadakučyć trymać takoje dreva doma, jaho možna vysadzić u hrunt.
U žyvoj jalincy na navahodniaje śviata jość niekalki pieravah.
Žyvaja jełka pryjemnaja navobmacak. Da naturalnaj ihlicy našmat pryjemniej dakranacca, čym da płastmasavaj. Mnohija dumajuć, što ŭ žyvoj jalinki vielmi kalučyja ihołki, ale na samoj spravie jość vidy, jakija majuć piaščotnuju miakkuju ihlicu, dy jašče i ź cikavym pieralivam.
Karysnyja ŭłaścivaści. Dziakujučy efirnym masłam, jakija źmiaščajucca ŭ ihlicy, vy zabudzieciesia na hałaŭny bol i pieradśviatočnaje napružańnie.
Ekanomija miesca. Štučnyja jalinki doŭhi čas pravodziać u kładoŭcy abo ŭ šafie, zajmajučy niemałuju prastoru. Žyvyja sadžancy možna lohka pasadzić, kali paciapleje, i jany jašče doŭhija hady buduć radavać vas svajoj dekaratyŭnaściu.
Jość jalinki pa 120 rubloŭ. A jość i kampaktnyja varyjanty — 25 rubloŭ.
Ciapier čytajuć
Źniknieńnie śpikierki KR Anžaliki Mielnikavaj. Usio važnaje, što viadoma na hety momant19
Kamientary