U ofisie inicyjatyvy adbyłosia štohadovaje ŭručeńnie premij u halinie pravoŭ čałavieka.
U ofisie inicyjatyvy adbyłosia štohadovaje ŭručeńnie premij u halinie pravoŭ čałavieka.
Admietnaj rysaj sioletniaj cyrymonii stała adsutnaść bolšaści łaŭreataŭ — adna ŭznaharoda była ŭručana paśmiarotna, troje ŭhanaravanych znachodziacca zaraz za kratami i adzin u vojsku.
Pieršym premii ŭručyŭ staršynia Viarchoŭnaha Savieta 12-ha sklikańnia Stanisłaŭ Šuškievič. Łaŭreatami ŭ naminacyi «Za asabistuju mužnaść» stali Źmicier Barodka, adzin z kaardynataraŭ kampanii «Jeŭrapiejskaja Biełaruś» i Maksim Viniarski, aktyvist kampanii.
Salihorskaja pravaabaronca Jana Palakova, jakaja skončyła žyćcio samahubstvam, atrymała premiju paśmiarotna.
Viadomaja žurnalistka Iryna Chalip pieradała jaje pravaabaroncu Valeru Ščukinu, jaki ŭ svaju čarhu abiacaŭ addać uznaharodu maci Palakovaj. «U paśmiarotnaj uznaharodzie zaŭsiody jość niejki ździek, —skazała Chalip. — Bo adrazu ŭźnikaje pytańnie, a dzie vy ŭsie byli tady, kali jana była žyvaja, što vy ŭsie zrabili? Vybačajcie, što my ŭsie zrabili?»
Kaardynatar Chartyi'97 Andrej Sańnikaŭ uručyŭ premii vaŭkavyskim pradprymalnikam Aŭtuchoviču, Lavonavu i Asipienku. Pravaabaronca Aleh Vołčak paabiacaŭ pieradać im ŭznaharody.
Premiju Arciomu Dubskamu, jaki zaraz adbyvaje pakarańnie ŭ Mahilovie, pryjšła zabirać jahonaja maci. Jana skazała, što cisk na Arcioma z boku administracyi kałonii adčuvajecca, ale jon nie źbirajecca zdavacca i padać ducham.
Byŭ uznaharodžany jašče adzin moładzievy aktyvist Franak Viačorka. Svaju ŭznaharodu jon atrymaŭ za mužnaść i zmahańnie za biełaruskuju movu ŭ vojsku.
***
U minułym hodzie premiju Chartyi'97 atrymali aktyvist hramadzianskaj kampanii «Jeŭrapiejskaja Biełaruś» Alaksandr Barazienka, moładzievy aktyvist Andrej Kim, pradprymalnik Siarhiej Parsiukievič, hramadskaja aktyvistka Halina Jubko i fotakarespandentka «Našaj Nivy» Julija Daraškievič.
Kamientary