Paśla spynieńnia pracy «Atłasa» žychary Słaŭharada nie viedajuć, jak dajechać u Mahiloŭ
Paśla ŭmiašańnia siłavikoŭ u pracu bujnoha aŭtapieravozčyka «Atłas», jaki zabiaśpiečvaŭ značnuju dolu pasažyrapatoku pamiž rajonnymi centrami Mahiloŭščyny i abłasnym centram, u miascovych stali ŭźnikać prablemy z tym, kab dabracca ŭ abłasny centr. Prablemu aściarožna padniała słaŭharadskaja rajonka «Prysožski kraj».
«Jak ciapier dabiracca z Słaŭharada da Mahilova? Kali naładzicca kamfortnaje spałučeńnie z abłasnym centram?» — heta pytańnie, piša vydańnie, siońnia chvaluje bolšaść słaŭharadčan.
Namieśnik načalnika adździeła architektury i budaŭnictva žyllova-kamunalnaj haspadarki Słaŭharadskaha rajona Alaksandr Krasnabajeŭ patłumačyŭ čytačam, što ciapier «udaskanalvajecca praca» aŭtapieravozčyka i robicca heta dla biaśpieki pasažyraŭ i abarony ich pravoŭ. Alaksandr Krasnabajeŭ spasłaŭsia na naradu, praviedzienaj Alaksandram Łukašenka pa hetym pytańni.
«Vidavočna, što ŭ hety pieryjad, kali cieniavaja častka pierachodzić na bok śvietu, rynak pasažyrapieravozak krychu štarmić. Ale ŭsio heta časova», — prychodzić da vysnovy vydańnie.
Siońnia stała viadoma, što ŭ Maładziečnie siłaviki spynili pracu dźviuch słužb taksi.
U listapadzie stała viadoma, što KDB raspačaŭ vialikuju spravu kiroŭcaŭ taksi i maršrutčykaŭ za niavypłatu padatkaŭ. Zatrymali 20 čałaviek, jakija, pavodle KDB, užo kampiensujuć naniesienyja straty. Na naradzie 14 listapada Łukašenka anansavaŭ źmieny na rynku pasłuh taksi.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha14
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary