Mody66

Niatannaja sukienka biełaruskaha brendu sapsavałasia paśla pieršaha myćcia

Dyzajnierka viasielnych upryhožańniaŭ trapiła ŭ niepryjemnuju historyju. Dla viasiella siabroŭ jana nabyła bliskučuju sukienku biełaruskaha brendu. Paśla pieršaha ž myćcia stała zrazumieła: nadzieć abnoŭku znoŭ naŭrad ci kali atrymajecca.

Fota z akaŭnta ŭ instahramie brendu Cream, skrynšoty videa ŭ tyktoku

Dziaŭčyna śćviardžaje: jana tolki pakłała sukienku ŭ tazik z vadoj, kab miakka ačyścić nievialikaje zabrudnieńnie paśla śviata. Ale ž atrymałasia tak, što bolšaść maleńkich bliskavak vymyłasia z tkaniny i vyhladać sukienka stała nie vielmi prezientabielna. Dyzajnierka adznačyła, što ciapier u bliskaŭkach usia kvatera i navat kot.

Videa nabrała bolš za 715 tysiač prahladaŭ. Niekatoryja kamientatarki adznačyli, što taksama byli ŭ anałahičnaj situacyi: niechta byŭ vymušany vykinuć adzieńnie paśla pieršaha myćcia, chtości navat nie ryzyknuŭ myć, tamu što razumieŭ, čym usio skončycca. Adna z žančyn adznačyła, što dobra viedaje takuju tkaninu: «Jana ciapier usiudy drennaj jakaści. Heta napyleńnie budzie absypacca pry lubym dohladzie. Tam, napeŭna, i kresła pad vami było ŭsio ŭ bliskaŭkach».

Skrynšot videa ŭ tyktoku

Jašče adna dziaŭčyna padzialiłasia łajfchakam: «Kupicie sprej dla jołačnych cacak ź bliskaŭkami — i vierniecca blask. Ja tak na Novy hod kašulu bliskaŭkami zalivała».

Šmat chto śćviardžaŭ, što prablemy niama: bo sukienki, jakija nabytyja na śviaty, adnarazovyja i niekalki razoŭ ich nadziavać nielha.

Kaniešnie, znajšlisia i kamientatarki, jakija abvinavacili dziaŭčynu ŭ chłuśni: «Bačna, što sukienku myli ŭ mašyncy, a nie rukami ŭ taziku». U jakaści dokazu dyzajnierka źniała jašče videa, u jakim prademanstravała što bliskaŭki zastalisia nie tolki ŭ taziku, ale i ŭ vannaj, kudy jana vyliła vadu.

Dyzajnierka adznačyła, što brend Cream, dzie jana kuplała sukienku, nijak nie adreahavaŭ na jaje abureńnie.

Adna z čytačak «Našaj Nivy» vyrašyła napisać u akaŭnt brendu ŭ instahramie, kab daviedacca pra hetuju sukienku (madel nazyvajecca Shine i kaštuje 180 rubloŭ). Zdajecca, tam pytańniu nie ździvilisia i navat nie stali ŭdakładniać, pra jakoje kankretna videa idzie razmova.

Fota sukienki z akaŭnta brendu Cream u instahramie

Pradstaŭnica brendu śćviardžaje, što za hod prodažu dadzienaj madeli ni razu nie było situacyi, kab paśla pravilnaha dohladu sukienka defarmavałasia choć minimalna: «Navat z asabistaha dośviedu mahu skazać, što sukienki, topy, spadnicy ŭ bliskaŭki nie tolki našaha brenda, ale i mnohich inšych pry pravilnym dohladzie nadoŭha pasialajucca ŭ harderobie i z zadavalnieńniem nosiacca šmat razoŭ».

Kab sukienka doŭha prasłužyła, paraili abo niepraciahła dalikatna myć jaje ŭ chałodnaj mylnaj vadzie, abo addavać u chimčystku.

Na kamientaryj pra toje, što na videa sukienka paśla myćcia vyhladaje sumna, pradstaŭnica Cream prapanavała nabyć sukienku i pravieryć usie na asabistym dośviedzie.

Kamientary6

  • dočka Maksima Dizajniera
    04.12.2023
    jana ž Dyzajnierka viasielnych upryhožańniaŭ. tamu, kali ŭsio vakoł u blostkach joj musić być norm
  • dočka Maksima Dizajniera
    04.12.2023
    za dva nievialikija kavałki tkaniny (nijakaha składanaha kroju) 180 r.? da už... dy i "dyzajn" sukienki chutčej za ŭsio śpiorty, što zvyčajna ŭ nas
  • Mikraskop
    04.12.2023
    Dyk jana i sama na druhim fota nia blišča, nia tolki sukienka. Nu, paraŭnajcie sami, i nie kažycie, što heta nia tak. Moža lusterka sapsavałasia ?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel3

Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel

Usie naviny →
Usie naviny

Minabarony: Biełaruś hatova da ŭzajemnych vajskovych inśpiekcyj z Polščaj na hłybiniu 80 km5

«Spadar prezident, nie Ukraina pačała hetuju vajnu». Zajavy Trampa ab Ukrainie i jaho kanflikt ź Zialenskim šakavali mnohich respublikancaŭ20

«Mark Farmiel» pastaviŭ u vitrynu zamiest maniekiena mužčynu z hołym torsam7

Stała viadoma, kali ŭ Biełarusi praviaduć vučeńni «Zachad-2025»

U centry Minska čatyry aŭtamabili ŭrezalisia adzin za adnym1

Unačy znoŭ było za minus 20°S

Jak vyhladaŭ Minsk 100 hadoŭ tamu? Štučny intelekt ažyviŭ histaryčnyja fota — atrymałasia zachaplalnaje videa7

Pucin choča pieratvaryć Ukrainu ŭ druhuju pakorlivuju Čačniu5

Saudaŭcy budujuć fantastyčny miehapolis «Linija», kudy možna budzie zasialić usiu Biełaruś. Košt — $1 tryljon ŠMAT FOTA3

bolš čytanych navin
bolš łajkanych navin

Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel3

Paśla viartańnia ŭ Biełaruś aryštavali Vieraniku Žałuboŭskuju — ściuardesu Katarskich avijalinij, aktrysu i madel

Hałoŭnaje
Usie naviny →

Zaŭvaha:

 

 

 

 

Zakryć Paviedamić