U vypadku niaŭdałaha vystupleńnia minskaha «Dynama» ŭ Kantynientalnaj chakiejnaj lizie jaho miesca moža zaniać «Junactva»,
zajaviŭ hałoŭny trenier hetaj kamandy i zbornaj Biełarusi Michaił Zacharaŭ na pres‑kanfierencyi 23 śniežnia.
«Treba aceńvać hety hod, jak zhulaje minskaje «Dynama». Ja ŭpeŭnieny, što kali jano nie vykanaje svaju zadaču, to treba pieradać uvieś hety prajekt «Junactvu». Ja dumaju, sa mnoj ŭsie zhodnyja. Užo abmiarkoŭvajecca pytańnie.
Usio ž taki «Junactva» — brend numar adzin u krainie. Nie treba było pijaryć «Dynama» (Minsk), jakomu jašče da «Junactva» dalekavata.
Kali prosta pa‑čałaviečy pahladzieć, to ŭ «Junactva» jość baza. U «Dynama» niama ni bazy, ni škoły, ničoha niama. Tamu, dumaju, heta pravilna budzie. Usio zaležyć ad taho, jak jany zhulajuć. Kali jany nie trapiać u płej‑of, treba pieradać poŭnaściu», — skazaŭ Zacharaŭ.
Adkazvajučy na pytańnie ab mahčymaści ŭ nastupnym siezonie stać trenieram kamandy KCHŁ, Zacharaŭ zaznačyŭ: «Nu, ja nie ŭpeŭnieny. Moža, nie ja budu, moža, niechta zamiest mianie budzie trenieram «Junactva». Adkul ja mahu być upeŭnieny? Nie ŭ Zacharavie sprava, a ŭ tym, što pavinna być narmalnaje staŭleńnie.
Kali siońnia ŭziać i pračytać rehłamient KCHŁ, to «Dynama» (Minsk) i «Dynama» (Ryha) pad jaho naohuł nie padychodziać.
Tam dakładna napisana, kolki trenieraŭ pavinna być u dziciačaj spartyŭnaj škole, kolki kamand pavinna być. Prosta kiraŭnictvu KCHŁ treba, kab byli takija kamandy [ź Minska i Ryhi]».
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary