У выпадку няўдалага выступлення мінскага «Дынама» ў Кантынентальнай хакейнай лізе яго месца можа заняць «Юнацтва»,
заявіў галоўны трэнер гэтай каманды і зборнай Беларусі Міхаіл Захараў на прэс‑канферэнцыі 23 снежня.
«Трэба ацэньваць гэты год, як згуляе мінскае «Дынама». Я ўпэўнены, што калі яно не выканае сваю задачу, то трэба перадаць увесь гэты праект «Юнацтву». Я думаю, са мной ўсе згодныя. Ужо абмяркоўваецца пытанне.
Усё ж такі «Юнацтва» — брэнд нумар адзін у краіне. Не трэба было піярыць «Дынама» (Мінск), якому яшчэ да «Юнацтва» далекавата.
Калі проста па‑чалавечы паглядзець, то ў «Юнацтва» ёсць база. У «Дынама» няма ні базы, ні школы, нічога няма. Таму, думаю, гэта правільна будзе. Усё залежыць ад таго, як яны згуляюць. Калі яны не трапяць у плэй‑оф, трэба перадаць поўнасцю», — сказаў Захараў.
Адказваючы на пытанне аб магчымасці ў наступным сезоне стаць трэнерам каманды КХЛ, Захараў зазначыў: «Ну, я не ўпэўнены. Можа, не я буду, можа, нехта замест мяне будзе трэнерам «Юнацтва». Адкуль я магу быць упэўнены? Не ў Захараве справа, а ў тым, што павінна быць нармальнае стаўленне.
Калі сёння ўзяць і прачытаць рэгламент КХЛ, то «Дынама» (Мінск) і «Дынама» (Рыга) пад яго наогул не падыходзяць.
Там дакладна напісана, колькі трэнераў павінна быць у дзіцячай спартыўнай школе, колькі каманд павінна быць. Проста кіраўніцтву КХЛ трэба, каб былі такія каманды [з Мінска і Рыгі]».
Цяпер чытаюць
Хітры расіянін Яўген з жонкай і малым прыдумалі, як бясплатна пажыць у кватэры беларускі9
Каментары