Sud u Lidzie aštrafavaŭ žančynu za łajk pad nieisnujučaj hrupaj u «Adnakłaśnikach»
Dziŭnaje rašeńnie 23 listapada vynies sudździa Lidskaha rajona.
U haradžanki zabrali telefon i pakarali štrafam 1110 rubloŭ za toje, što jana pastaviła kłas łahatypu «Naviny Biełarusi» ad Reform.by u «Adnakłaśnikach», paviedamlaje ŭłasna Reform.by.
U sudovym rašeńni śćviardžajecca, što łahatyp nibyta ŭniesieny ŭ respublikanski śpis ekstremisckich materyjałaŭ.
Adnak heta nie tak, śćviardžaje vydańnie. U śpis uniesienaja infarmacyjnaja pradukcyja hrupy ŭ «Adnakłaśnikach» z nazvaj «Naviny Biełarusi ad Reform.by», jakaja maje identyfikatar https://ok.ru/reformby. Takoje rašeńnie pryniaŭ sud Śvietłahorskaha rajona 3 krasavika 2023 hoda.
Redakcyja Reform.by u toj ža dzień vydaliła staronku https://ok.ru/reformby — jaje nie isnuje. U hetym lohka pierakanacca, kali kliknuć pa spasyłcy.
Jakoje dačynieńnie «łahatyp» maje da infarmacyjnaj pradukcyi nieisnujučaj hrupy, u rašeńni suda Lidskaha rajona nie ŭdakładniajecca.
Niahledziačy na absurdnaść abvinavačvańnia, žančyna pryznała svaju vinu.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ1
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary