NYT: ZŠA i Ukraina raspracoŭvajuć vajennuju stratehiju na 2024 hod, i ich pohlady razychodziacca
Amierykanskaje i ŭkrainskaje vajskovyja kamandavańni šukajuć novuju stratehiju viadzieńnia vajny z Rasijaj, jakoj mahła b prytrymlivacca Ukraina ŭ pačatku 2024 hoda. Amierykanskija čynoŭniki sprabujuć padrychtavać ukraincaŭ da nastupnaha hoda bajavych dziejańniaŭ, papiaredžvajučy, što dapamoha Ukrainie naŭrad ci budzie takoj ža značnaj, jak u pieršyja dva hady vajny.
Jak piša The New York Times sa spasyłkaj na čynoŭnikaŭ ZŠA i Ukrainy, ZŠA nastojvajuć na stratehii, pry jakoj Ukraina nadaść asnoŭnuju ŭvahu abaronie i ŭtrymańniu biahučych pazicyj, a taksama budzie naroščvać siły i zapasy zbroi na praciahu hoda. Takaja stratehija, ličać ZŠA, zabiaśpiečyć Ukrainie mahčymaść adbić luby novy nastup Rasii.
Meta stratehii — stvaryć dastatkova pierakanaŭčuju pahrozu i prymusić Rasiju razhladać mahčymaść mirnych pieramovaŭ u kancy 2024-ha abo ŭ 2025 hodzie.
Pradstaŭniki Ukrainy, u svaju čarhu chočuć pierajści ŭ nastup albo na ziamli, albo z dapamohaj dalokich udaraŭ, «spadziejučysia pryciahnuć uvahu ŭsiaho śvietu».
U pryvatnaści, u Kijevie vyvučajuć stratehiju, zasnavanuju na paśpiachovych hłybokich udarach pa Krymie minułaj vosieńniu.
Ukraincy šukajuć sposaby vyvieści Rasiju z raŭnavahi z dapamohaj napadaŭ na zbrojevyja zavody, składy zbroi i čyhunačnyja puci, pa jakich pieravoziać bojeprypasy, a taksama simvaličnych pieramoh. Były vysokapastaŭleny vajskoviec z Ukrainy admoviŭsia abmiarkoŭvać z hazietaj hetyja prapanovy, ale pryznaŭ, što novy płan raspracoŭvajecca i nazvaŭ jaho «vielmi śmiełym».
Pa słovach amierykanskich i ŭkrainskich aficeraŭ, sajuźniki spadziajucca prapracavać detali novaj vajennaj stratehii ŭ studzieni 2024 hoda padčas sieryi vajennych hulniaŭ, jakija płanujecca pravieści ŭ niamieckim Visbadenie.
Pavodle vydańnia, nieabchodnaść u novaj stratehii ŭźnikła na fonie niaŭdač ukrainskaha kontrnastupleńnia i pasłableńnia padtrymki Ukrainy ŭ Kanhresie ZŠA.
Pradstaŭniki Ukrainy nie razumiejuć, nakolki niestabilnaja dalejšaja padtrymka z boku ZŠA i ŭskładajuć nierealistyčnyja spadziavańni na amierykanskija pastaŭki, adznačajuć surazmoŭcy haziety. Naprykład, ukraincy prosiać miljony artyleryjskich snaradaŭ z zachodnich zapasaŭ, jakich prosta nie isnuje.
Amierykanskija čynoŭniki sprabujuć padrychtavać ukraincaŭ da nastupnaha hoda bajavych dziejańniaŭ, papiaredžvajučy, što lubaja dapamoha, jakuju ŭ vyniku ŭchvalić Kanhres, naŭrad ci budzie takoj ža značnaj, jak u pieršyja dva hady vajny, pierakazvaje artykuł «Mieduza».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary