Lilija Ananič paŭdzielničała ŭ forumie, što praviali ŭ honar Achmata Kadyrava ŭ Minsku
Forum pravodziŭsia pa inicyjatyvie Musulmanskaha relihijnaha abjadnańnia ŭ Respublicy Biełaruś.
U Minsku praviali forum, pryśviečany Achmatu-Chadžy Kadyravu — pieršamu prezidentu Čačni ŭ składzie Rasii. Pra svoj udzieł u forumie napisała ŭ svaim telehram-kanale namieśnik staršyni Pastajannaj kamisii Pałaty pradstaŭnikoŭ «pa pravach čałavieka, nacyjanalnych adnosinach i ŚMI» Lilija Ananič.
«U dakładach biełaruskich i zamiežnych udzielnikaŭ ź liku relihijnych dziejačaŭ Biełarusi i Rasii, pradstaŭnikoŭ dypłamatyčnaha korpusa, hramadskaści aśvietleny žyćciovy šlach vybitnaha syna čačenskaha naroda, jaki zdoleŭ supraćstajać psieŭdarelihijnamu ekstremizmu novaha času i viarnuć mir na čačenskuju ziamlu. Pryjemna było čuć słovy padziaki Biełarusi i našamu nacyjanalnamu lideru Alaksandru Ryhoraviču Łukašenku za mižnacyjanalny i mižkanfiesijny mir, palityku dobrasusiedstva, jakija sapraŭdy źjaŭlajucca nacyjanalnym zdabytkam», — napisała eks-ministr infarmacyi.
«U pradastaŭlenym mnie słovie padziakavała arhanizataram i vystupoŭcam za ciopłyja słovy ŭ adras našaj krainy i adznačyła biassprečnuju rolu asoby ŭ historyi — hieroi, jakija prynosiać dabro narodu, zastajucca na stahodździ», — reziumavała Lilija Ananič.
***
Achmat Kadyraŭ z 1995 pa 2000 hod zajmaŭ pasadu muftyja niezaležnaj Čačenskaj Respubliki Ičkieryja i staršyni Duchoŭnaha ŭpraŭleńnia musulman Čačenskaj Respubliki. Spačatku byŭ na baku Džachara Dudajeva i Asłana Maschadava. U 1999 hodzie pierajšoŭ na bok Rasii. U 2000 hodzie byŭ pryznačany Pucinym kiraŭnikom Administracyi Čačenskaj Respubliki.
U kastryčniku 2003 hoda ŭstupiŭ na pasadu prezidenta Čačni. Zahinuŭ u vyniku teraktu na stadyjonie ŭ Hroznym 9 maja 2004 hoda. Ramzan Kadyraŭ — jaho małodšy syn.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?19
Kamientary