Лілія Ананіч паўдзельнічала ў форуме, што правялі ў гонар Ахмата Кадырава ў Мінску
Форум праводзіўся па ініцыятыве Мусульманскага рэлігійнага аб'яднання ў Рэспубліцы Беларусь.
У Мінску правялі форум, прысвечаны Ахмату-Хаджы Кадыраву — першаму прэзідэнту Чачні ў складзе Расіі. Пра свой удзел у форуме напісала ў сваім тэлеграм-канале намеснік старшыні Пастаяннай камісіі Палаты прадстаўнікоў «па правах чалавека, нацыянальных адносінах і СМІ» Лілія Ананіч.
«У дакладах беларускіх і замежных удзельнікаў з ліку рэлігійных дзеячаў Беларусі і Расіі, прадстаўнікоў дыпламатычнага корпуса, грамадскасці асветлены жыццёвы шлях выбітнага сына чачэнскага народа, які здолеў супрацьстаяць псеўдарэлігійнаму экстрэмізму новага часу і вярнуць мір на чачэнскую зямлю. Прыемна было чуць словы падзякі Беларусі і нашаму нацыянальнаму лідэру Аляксандру Рыгоравічу Лукашэнку за міжнацыянальны і міжканфесійны мір, палітыку добрасуседства, якія сапраўды з'яўляюцца нацыянальным здабыткам», — напісала экс-міністр інфармацыі.
«У прадастаўленым мне слове падзякавала арганізатарам і выступоўцам за цёплыя словы ў адрас нашай краіны і адзначыла бясспрэчную ролю асобы ў гісторыі — героі, якія прыносяць дабро народу, застаюцца на стагоддзі», — рэзюмавала Лілія Ананіч.
***
Ахмат Кадыраў з 1995 па 2000 год займаў пасаду муфтыя незалежнай Чачэнскай Рэспублікі Ічкерыя і старшыні Духоўнага ўпраўлення мусульман Чачэнскай Рэспублікі. Спачатку быў на баку Джахара Дудаева і Аслана Масхадава. У 1999 годзе перайшоў на бок Расіі. У 2000 годзе быў прызначаны Пуціным кіраўніком Адміністрацыі Чачэнскай Рэспублікі.
У кастрычніку 2003 года ўступіў на пасаду прэзідэнта Чачні. Загінуў у выніку тэракту на стадыёне ў Грозным 9 мая 2004 года. Рамзан Кадыраў — яго малодшы сын.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным13
Каментары