Cichanoŭskaja vykazała spačuvańni z pryčyny hibieli ludziej u Prazie, Łukašenka — pakul nie
«My padtrymlivajem Čechiju ŭ hety čas žałoby», — napisała jana ŭ sacyjalnaj sietcy Ch.
Demakratyčnaja lidarka Biełarusi vykazała spačuvańni češskamu narodu i prezidentu Piatru Paŭłu z pryčyny hibieli ludziej u vyniku napadu strałka-adzinočki na fiłasofski fakultet Karłavaha ŭniviersiteta ŭ Prazie.
«Maje ščyryja spačuvańni siemjam i siabram zahinułych z-za trahičnaj stralby ŭ Prazie. Maje dumki z usimi, chto paciarpieŭ ad hetaha žachlivaha aktu hvałtu. My padtrymlivajem Čechiju ŭ hety čas žałoby», — napisała jana ŭ sacyjalnaj sietcy Ch.
Na sajcie Łukašenki pakul spačuvańniaŭ niama. Tam jość tolki vinšavańnie z Dniom enierhietyka.
U čaćvier u vyniku stralaniny, jakuju zładziŭ na fiłasofskim fakultecie Karłavaha ŭniviersiteta ŭ Prazie David Kozak, byli zabityja 14 čałaviek, 25 čałaviek byli paranienyja.
Prynamsi dzieviać čałaviek atrymali surjoznyja ranieńni, piaciora — ranieńni siaredniaj ciažkaści i da 10 — lohkija. Napadnika likvidavali. Taksama byŭ znojdzieny miortvym baćka strałka.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary