Ціханоўская выказала спачуванні з прычыны гібелі людзей у Празе, Лукашэнка — пакуль не
«Мы падтрымліваем Чэхію ў гэты час жалобы», — напісала яна ў сацыяльнай сетцы Х.
Дэмакратычная лідарка Беларусі выказала спачуванні чэшскаму народу і прэзідэнту Пятру Паўлу з прычыны гібелі людзей у выніку нападу стралка-адзіночкі на філасофскі факультэт Карлавага ўніверсітэта ў Празе.
«Мае шчырыя спачуванні сем’ям і сябрам загінулых з-за трагічнай стральбы ў Празе. Мае думкі з усімі, хто пацярпеў ад гэтага жахлівага акту гвалту. Мы падтрымліваем Чэхію ў гэты час жалобы», — напісала яна ў сацыяльнай сетцы Х.
На сайце Лукашэнкі пакуль спачуванняў няма. Там ёсць толькі віншаванне з Днём энергетыка.
У чацвер у выніку страляніны, якую зладзіў на філасофскім факультэце Карлавага ўніверсітэта ў Празе Давід Козак, былі забітыя 14 чалавек, 25 чалавек былі параненыя.
Прынамсі дзевяць чалавек атрымалі сур'ёзныя раненні, пяцёра — раненні сярэдняй цяжкасці і да 10 — лёгкія. Нападніка ліквідавалі. Таксама быў знойдзены мёртвым бацька стралка.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары