Hramadstva5858

Lavončyku zakidajuć, što jaho cieść pracuje na Łukašenku. Lavončyk: My nie kamunikujem šmat hadoŭ

U sacsietkach abmiarkoŭvajuć ukid, źviazany z suzasnavalnikam inicyjatyvy By_help Alaksiejem Lavončykam. U vinu jamu staviać toje, što jaho cieść pracuje ŭ Kiraŭnictvie spraŭ Łukašenki.

Alaksiej Lavončyk. Fota: fejsbuk Lavončyka

Telehram-kanał «Abjadnany štab supracivu» apublikavaŭ źviestki z bazaŭ infarmacyi, pavodle jakich cieść Lavončyka Siarhiej Bakłahin pracavaŭ u Radzie biaśpieki — namieśnikam načalnika adździeła Dziaržaŭnaha sakrataryjata. A apošnija hady byŭ u Kiraŭnictvie spraŭ Łukašenki, tam jon načalnik upraŭleńnia dakumientacyjnaha zabieśpiačeńnia i kantrolu vykanańnia daručeńniaŭ.

Pry hetym Bakłahin — nie rodny baćka žonki Lavončyka, a ajčym.

Infarmacyju chutka padchapili Dźmitryj Bałkuniec, Siarhiej Bulba i inšyja.

Alaksiej Lavončyk raskazaŭ «Našaj Nivie», što ź cieściem nie kamunikuje hadoŭ vosiem.

«Akurat praz roźnicu ŭ pazicyjach, — patłumačyŭ jon. — My ŭ pryncypie mała kamunikavali. A potym praz paru hod jano samo syšło na ništo. My nie byli ŭ kantakcie jak minimum hoda z 2015-ha».

«Abjadnany štab supracivu» (AŠS) zajaviŭ pra siabie ŭ žniŭni 2022 hoda. Na mierkavańnie «Bajpoła», za telehram-kanałam AŠS staić Andrej Abozaŭ, jaki ciapier žyvie ŭ Estonii. Raniej «Našaj Nivie» paviedamlała hetuju ž infarmacyju jašče adna krynica.

Andrej Abozaŭ niekali byŭ aktyvistam supolnaści biełarusaŭ «Treci šlach» i adnym sa stvaralnikaŭ «Multkłuba», hrupy, jakaja rabiła satyryčnyja multfilmy pra Łukašenku. U 2005-m na jaho zaviali kryminalnuju spravu za abrazu Łukašenki, ale Andrej zdoleŭ vyjechać ź Biełarusi. U 2007-m jon jechaŭ na ciahniku z Ukrainy ŭ Estoniju praz Rasiju i byŭ zatrymany. Pry zastupnictvie svajho znajomaha, palitołaha Andreja Suzdalcava, usio ž dajechaŭ da Estonii. Z taho času žyvie tam.

Kamientary58

  • Cikava
    26.12.2023
    Pieršym hety ŭkid zrabiŭ mienavita Siarhiej Bulba na kanale TV6 Biełaruś. Bulba skazaŭ, što ŭ jaho jość niejki znajomy ŭ viarchušcy łukašenkaŭskaj ułady, ź jakim jon rehularna stasujecca. Chto jon?
  • Šmat pytańniaŭ
    26.12.2023
    Chto takija Abjadnany štab supracivu» (AŠS), čamu jany pišuć na ruskaj movie, čamu ich cytuje vypusknik MHIMO Capkała i stały ŭdzielnik pieradač Skabiejevaj Bałkuniec i čamu ich cytuje i robić zakaznyja pasty i videa i tak zvany "niezaležny błohier" Vital Kandracienka, jaki siabruje z Alenaj Vasiljevaj, jakaja viadzie kanał Mienavita onłajn, na jakim jana razdźmuvaje chiejt pamiž ukraincami i biełarusami i litoŭcami i biełarusami, razdźmuvajučy na pustym miescy temu "lićvinizma" z rasiejskim prapahandystam Ajderam Muždabajevym i litoŭskim kdbšnikam Imantasam Mielanasam?
    Što ich usich źviazvaje?
  • Suviazi
    26.12.2023
    Suzdalcaŭ - znajomy Abozava (OŠS), Capkała (MHIMO) i Bałkuniec ciesna znajomyja z Suzdalcavym. Suzdalcaŭ heta Vyšejšaja škoła ekanomiki (namieśnik dekana VŠE), Bałkuniec skončyŭ aśpiranturu VŠE.
    Bulba ź imi ŭ jakich kantaktach?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać1

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać

Usie naviny →
Usie naviny

Pamiłavany eks-palitviazień Arciom Bajarski znajšoŭ pracu i płanuje adnavicca na chimfaku BDU10

Łukašenka padpisaŭ ukaz ab uzmacnieńni paŭnamoctvaŭ vykankamaŭ 8

Źjaviłasia elektronnaja biblijateka pomnikaŭ piśmienstva, zapisanych biełaruskaj arabicaj3

Frydman prapanuje niestandartnyja sposaby, jak pryciahnuć uvahu ZŠA da Biełarusi3

«U hałovach ludziej, jakija ŭ zachapleńni ad Trampa, adbyvajecca niešta padobnaje, jak było 100 hadoŭ tamu»25

«Heta jeła majo dzicia». Minčanka kupiła ŭ kramie vypiečku ź mietaličnaj stružkaj5

U Biełarusi maroz — čynoŭniki dastali svaje šapki ŠMAT FOTA21

Rasija moža addać svaje zamarožanyja ŭ Jeŭropie aktyvy Ukrainie ŭ miežach mirnaj damovy3

Na biełaruskim aŭkcyjonie chočuć pradać stary płašč za 30 tysiač rubloŭ2

bolš čytanych navin
bolš łajkanych navin

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać1

Šarenda-Panasiuk: Ja razumieła, što moža być situacyja, kali navat dziećmi daviadziecca achviaravać

Hałoŭnaje
Usie naviny →

Zaŭvaha:

 

 

 

 

Zakryć Paviedamić