Kamiendantu sumnaviadomaj danieckaj turmy «Izalacyja» dali 15 hadoŭ turmy
Šaŭčenkaŭski rajonny sud Kijeva abviaściŭ prysud Dzianisu Kulikoŭskamu — kamiendantu danieckaj turmy «Izalacyja», dzie niezakonna ŭtrymlivali i katavali ŭkrainskich cyvilnych i vajennapałonnych.
Sud pryznačyŭ jamu pakarańnie ŭ vyhladzie 15 hadoŭ, zadavoliŭ prośbu prakuratury, paviedamlajuć Grati.
Sudździa Jaŭhien Martynaŭ, jaki razhladaŭ hetuju spravu, pryznaŭ Kulikoŭskaha vinavatym u čatyroch złačynstvach: žorstkim abychodžańni z vajennapałonnymi, udziele ŭ terarystyčnaj arhanizacyi i niezakonnym uzbrojenym farmavańni. Ale apraŭdaŭ pa niedakazanaści abvinavačvańnia ŭ handli ludźmi.
Sud taksama zadavoliŭ dva hramadzianskija pazovy. Kulikoŭski pavinien vypłacić 400 tysiač (10 tysiač dalaraŭ) i 95 tysiač (2600 dalaraŭ) dvum paciarpiełym.
Sam padsudny viny nie pryznaŭ. Spravu słuchali ŭ zakrytym režymie.
Suprać Kulikoŭskaha dali pakazańni byłyja pałonnyja «Izalacyi» — 22 čałavieki pryznanyja pa spravie paciarpiełymi. Siarod ich — piśmieńnik i žurnalist Stanisłaŭ Asiejeŭ, jakoha ŭ 2017 hodzie zatrymali ŭ «DNR» i kinuli ŭ «Izalacyju», abvinavaciŭšy ŭ špijanažy, stvareńni ekstremisckaj arhanizacyi i publičnych zaklikach da dziejańniaŭ, «nakiravanych na parušeńnie terytaryjalnaj cełasnaści».
Słužba biaśpieki Ukrainy zatrymała Kulikoŭskaha ŭ 2021 hodzie. Rasśledavańnie jaho spravy skončyłasia ŭ červieni 2022.
«Izalacyja» — heta rasijskija zaścienki na miescy byłoha zavoda izalacyjnych materyjałaŭ, dzie da 2014 hoda pracavała art-prastora «Izalacyja».
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary