Śviet2121

«Taki los napatkaje inšych zdradnikaŭ Ukrainy». Što viadoma pra zabojstva ŭkrainskaha prarasijskaha palityka Kivy

Siońnia ŭ Padmaskoŭi byŭ zabity były deputat ukrainskaj Viarchoŭnaj Rady Illa Kiva, jaki za apošnija dziesiać hadoŭ prajšoŭ šlach ad dziejača nacyjanalistyčnaha «Pravaha siektara» i ŭdzielnika ŭkrainskaj antyterarystyčnaj apieracyi na Danbasie da adnoj z zaŭvažnych fihur u adkryta prarasijskim kryle ŭkrainskaj palityki. I kaniec jahonaha žyćciovaha šlachu dla prarasijskich kałabarantaŭ z Ukrainy robicca dastatkova typovym. 

Illa Kiva. Fota: Volodymyr Tarasov/ Ukrinform/Future Publishing via Getty Images

Cieła Illi Kivy 6 śniežnia ŭdzień znajšła supracoŭnica hatela ŭ vioscy Supanieva Adzincoŭskaha rajona Maskoŭskaj vobłaści.

Pavodle infarmacyi telehram-kanała «VČK-OHPU», były ŭkrainski palityk atrymaŭ ahniastrelnaje ranieńnie ŭ lesaparku, paśla čaho, ściakajučy kryvioj, išoŭ pa ściežcy ŭ bok asnoŭnaha budynka hatela.

Śledčy kamitet Rasii paviedamiŭ, što raspačaŭ kryminalnuju spravu «pa fakcie zabojstva» Illi Kivy. Pavodle papiarednich źviestak, zabojstva adbyłosia z vykarystańniem «nieŭstanoŭlenaj strałkovaj zbroi». Telehram-kanały vykazvajuć viersiju, što jaho zastrelili ź pistaleta, a strełaŭ było dva: adzin u hałavu, druhi ŭ hrudzi.

Paśla zabojstva Kivy ŭ maskoŭskich aeraportach i na čyhunačnych vakzałach uviali ŭzmocnienyja miery pravierki pasažyraŭ. Asablivuju ŭvahu źviartajuć na inšaziemcaŭ i hramadzian z prapiskaj u paŭdniovych rehijonach Rasii.

Rasijski telehram-kanał Mash śćviardžaje, što za Kivam sačyli jak minimum try apošnija tydni:

«Za hety čas kileru ŭdałosia dobra vyvučyć zvyčki byłoha ŭkrainskaha palityka. 2,5 miesiaca tamu jon pierajechaŭ u hatel «Vielič' Country Club». Niadaŭna eks-deputat paviedamlaŭ pra mahčymaje sačeńnie za im», — havorycca ŭ publikacyi.

Pavodle źviestak pablika, Kiva žyŭ nie adzin, a z sužycielkaj:

«Štodnia jon vychodziŭ na viačernija prahułki pa parku. Siońnia jon paŭtaryŭ toj ža maršrut, ale nie viarnuŭsia. Pieršym jaho ŭžo adubiełaje cieła vyjaviła miascovaja žycharka — trup Kivy pralažaŭ na marozie nie mienš za hadzinu z momantu zabojstva».

Pa adnoj ź viersij, na śled Kivy mahła navieści jahonaja sužycielka, adnak heta pakul nie paćvierdžana. Asoba žančyny nie raskryvajecca: jak śćviardžajecca, «dla jaje ž biaśpieki». 

Illa Kiva (źleva) z kumam Pucina Viktaram Miedviedčukom. Fota: Olena Khudiakova / Ukrinform/Future Publishing via Getty Images

Ukrainskija ŚMI śćviardžajuć na padstavie svaich krynic u śpiecsłužbach, što Kivu zabili ŭ vyniku śpiecapieracyi Słužby biaśpieki Ukrainy. Adnak sami śpiecsłužby i ŭkrainskija ŭłady hetaha pakul nie kamientujuć.

Adno što tolki pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ nieŭzabavie paśla źjaŭleńnia pieršaj infarmacyi pra śmierć kałabaranta paćvierdziŭ sam fakt hibieli: 

«Možam paćvierdzić, što Kiva — usio. I taki los napatkaje inšych zdradnikaŭ Ukrainy, a taksama pasłuhačoŭ pucinskaha režymu».

Treba skazać, što heta nie prosta pustyja pahrozy. Za amal dva hady raźvitalisia z žyćciom niekalki zaŭvažnych fihur ź liku prarasijskich kałabarantaŭ: deputat ad Chiersonščyny Alaksiej Kavaloŭ, adzin z kiraŭnikoŭ prarasijskaj administracyi akupavanaj častki Chiersonskaj vobłaści Kiryła Stremavusaŭ, były deputat Alaksiej Žuraŭko, byŭ paranieny, ale vyžyŭ kolišni deputat i adzin z aktyvistaŭ «Navarosii» Juryj Caroŭ. A kolkaść źniščanych drabniejšych zdradnikaŭ idzie na dziasiatki. 

Kamientary21

  • Racyja
    07.12.2023
    «I taki los napatkaje inšych zdradnikaŭ Ukrainy, a taksama pasłuhačoŭ pucinskaha režymu».
  • Kava
    07.12.2023
    Pchach, usie usio viedali, ale ničoha nie zrabili, kažuć u tom lesie stajała čarha s kulamietami i byli bojki za prava pieršaha streła pa kivie)
  • Vałožyn
    07.12.2023
    Hałoýnaje kab mietady ýkrainskich śpiecsłužbaý u dačynienni hramadzian za miažoj nie pieraniali śpiecsłužby našaha "haranta Kanstytucyi"

Ciapier čytajuć

Stenahrama rezkaj razmovy Trampa, Vensa i Zialenskaha18

Stenahrama rezkaj razmovy Trampa, Vensa i Zialenskaha

Usie naviny →
Usie naviny

Minčuk skraŭ la kramy pralnuju mašynu, a paśla dabiraŭsia ź joj da doma na troch mašynach1

«Pryviazali luki i skinuli ŭ raku». Raskryli zabojstva, jakoje adbyłosia ŭ 2001 hodzie ŭ Breście2

U Mahilovie cyrulnica vypadkova zrezała radzimku na šyi chłopčyka. Mama praz sud zaprasiła z majstra 7000 rubloŭ2

Łukašenka paŭščuvaŭ Hałoŭčanku i Snapkova na naradzie pa cenach3

Efiekt dnia naradžeńnia. Čamu vierahodnaść pamierci ŭ hety dzień vyšejšaja, čym u luby inšy6

Ź Minska hetaj zimoj vyvieźli ŭ 530 razoŭ mienš śniehu, čym hod tamu1

Starmier źbiraje ŭ Łondanie jeŭrapiejskich lidaraŭ i Zialenskaha, kab pryniać rašeńni pa vynikach pieramoŭ z Trampam

Microsoft aficyjna zakryvaje Skype paśla 22 hadoŭ pracy miesiendžara5

Łukašenka skazaŭ, što ludziam pavinny być pa kišeni bulba, cybula i kapusta, ale nie avakada10

bolš čytanych navin
bolš łajkanych navin

Stenahrama rezkaj razmovy Trampa, Vensa i Zialenskaha18

Stenahrama rezkaj razmovy Trampa, Vensa i Zialenskaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić