ANT dahaniaje «Biełsat» — anansavali svoj pieršy sieryjał «Načnaja źmiena»
Piłotny vypusk zdymali jašče ŭ 2019 hodzie, ale darabili sieryjał tolki ciapier.
Staršynia praŭleńnia ANT Marat Markaŭ anansavaŭ vychad pieršaha paŭnavartasnaha sieryjała ŭłasnaj vytvorčaści.
«My jašče ŭ 2019 hodzie sa svajoj inicyjatyvy i ŭ adpaviednaści z daručeńniem kiraŭnika dziaržavy źniali piłotnuju sieryju telesieryjała «Načnaja źmiena», jana niadrenna siabie zarekamiendavała i atrymała pazityŭnyja acenki metraŭ kinaindustryi. Zrazumieła, što apošnija niekalki hadoŭ nam było krychu nie da kino, ale na praciahu 2023 hoda my adzdymali praciah «načnoj źmieny» z čatyroch sieryj. U płanach i poŭny mietr na bazie źniataha materyjału. Praca znachodzicca na zaviaršalnaj stadyi, i ja raźličvaju, što ŭ najbližejšyja miesiacy telekanał ANT pakaža telehledačam i kinamanam svoj pieršy paŭnavartasny sieryjał i novy biełaruski mastacki film. Spadziajusia, što jany buduć acenieny pa vartaści», — raskazaŭ jon u intervju Sb.by.
Markaŭ miarkuje, što biełaruskim telekanałam treba zdymać jak maha bolš ułasnych sieryjałaŭ. Zamiest taho, kab zakuplać zamiežnyja sieryjały, možna rabić naadvarot — pradavać svoj pradukt na rasijski rynak.
«Ja zaŭsiody i va ŭsim byŭ prychilnikam sistemnaha padychodu — tym bolš, kali pierad vačyma jość sapraŭdy niadrenny vopyt, da prykładu, našych kazachstanskich kaleh. Jany ŭ 2012 hodzie pryniali dziaržprahramu pa raźvićci nacyjanalnaj televytvorčaści i kinavytvorčaści, jakaja praduhledžvaje vypusk bolš za 400 televizijnych sieryj na hod na padstavie konkursu.
Dla Biełarusi heta było b vydatnym rašeńniem pytańnia, pakolki hałoŭnaja prablema, jakaja jość siońnia, — my, usie biełaruskija telekanały, vymušanyja zakuplać vielizarnuju kolkaść zamiežnych sieryjałaŭ dla svajho efiru.
Ciapier, na moj pohlad, samy zručny momant, kab hetuju nišu aktyŭna asvojvać, tamu što ŭ siłu śpiecyfiki situacyi raniej aktyŭnyja ŭkrainskija vytvorcy telekantentu adyšli ŭ niabyt, a patreby i našaha, i tym bolš rasijskaha rynku zastajucca, i jany vielizarnyja».
Niadaŭna svoj satyryčny sieryjał «Pracesy» prezientavaŭ i telekanał «Biełsat». Na jutubie sieryi majuć ad 500 tysiač da 1 miljona prahladaŭ.
Čytajcie taksama:
Kolki kaštavaŭ biełaruski sieryjał «Pracesy» i navošta tam stolki maciukoŭ
Vyjšaŭ biełaruski sieryjał «Pracesy». Raskazvajem, čaho čakać
Pamiatajecie, Netflix zdymaŭ dakumientałku pra biełaruskija pratesty? Voś kali premjera
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary
prablema, jakaja jość siońnia, — my, usie biełaruskija telekanały, vymušanyja
zakuplać vielizarnuju kolkaść zamiežnych sieryjałaŭ dla svajho efiru.
Markaŭ staŭ achviaraj virusa impartazamiaščeńnia. A moža ŭsio razumieje, tamu prosta žadaje załahodzić vucha načalstva. Ŭ lubym vypadku na šlachu jaho fantazij jość nastupnyja nievyrašalnyja prablemy:
Biznes, jaki zdymaŭ sieryjały va Ŭkrainie - pryvatny. Praz žorstkuju kankurencyju ŭ im zastalisia lepšyja pradiusary. Jany šukali inviestaraŭ, da 2022 navat ŭ Rasiei, najmali paznavalnych aktoraŭ, navat z Rasiei, i časta zdymali na ekspart, dla toj ža Rasiei. Adsutnaść cenzury i zabarony na prafiesiju va Ŭkrainie dazvalała im zdymać sieryjały na vielmi sprečnyja dla Ŭkrainy temy kštałtu WW2 u rasiejskaj interpretacyi. Naprykład pieršyja siezony sieryjała "Pa zakonach vajennaha času" zdymali va Ŭkrainie. Jak havorycca - ničoha asobnaha, tolki biznes.
Represii paśla 2020 hoda faktyčna źniščyli ŭ Biełarusi jak kulturu, tak i nia vielmi mocny miedyjabiznes. Lepšyja aktory i miedyjabiznesoŭcy uciakli ad teroru. A idejołahi na kirujučych pasadach kštałtu Markava - nia zdolnyja nia tolki pracavać na kankurentnym rynku, ale navat stvaryć niešta zručnavarymaje na zamovu režyma za hatovyja biudžetnyja srodki. Psieŭdahistaryčny błakbaster pra žachi mižvajennaj Polščy "Na tym bierazie" nie našmat pieraadoliŭ uzrovień bajavikoŭ ad KDB-TB. A ŭparty ruskamirac Haściuchin nia vyciahnie ceły sieryjał, bo nikoha, akramia jak sastarełych kałdyroŭ ź lohkim floram pamiarkoŭnaści jon hrać nia ŭmieje.
Metaj dziaržprahramy ŭ Kazachstanie było nie impartazamiaščeńnie, a mienavita źmiańšeńnie upłyvu ruskaha śvietu, pahrozu ad jakoha tamtejšyja ŭłady vydatna zrazumieli dosyć daŭno. Niachaj Nazarbajeŭ i Takajeŭ - chitryja, cyničnyja i biaźlitasnyja da čałaviečaha žyćcia azijackija despaty, ale miž tym jany zastalisia kazachami, nikoli nie dazvalali sabie rabalepstva na bok ruskaha śvietu i baranili kazachskuju identyčnaść. U lubym vypadku hrošy na sieryjał buduć vyklančyvacca ź biudžetu h.z. Sajuznaj dziaržavy. To bok u Rasiei. Tamu i temy buduć ruskiśviet-friendly:
1.Rasieja - starejšy brat, zachad - kavarny vorah ź piačeńkami i soramnymi karunkavymi trusikami z ruk Chełoŭina, ŁHBT, Sorasa, Canta-Kłausa albo inšych niedružalubnych substancyj.
2.U adnych akopach hnili. Suprać niemcaŭ, francuzaŭ, palakaŭ, litoŭcaŭ, "biendierovciev" albo repciłoidaŭ Bajdena - pa situacyi.
Naturalna, što ničoha biełaruskaha ŭ hetych temach nia budzie.