Čamu polski šachmatyst nie pacisnuŭ ruku tolki adnamu rasijskamu supierniku? Bo toj jeździć na vajnu i treniruje adepta Pucina
Jak užo pisała «Naša Niva», na čempijanacie śvietu pa chutkich šachmatach polski šachmatyst Jan-Kšyštaf Duda admoviŭsia pacisnuć ruku pradstaŭniku Rasii Dzianisu Chismatulinu. Zdavałasia b, ničoha dziŭnaha. Paśla pačatku vajny mnohija spartsmieny ihnarujuć rasijskich spartsmienaŭ. Ale Duda na tym ža spabornictvie paciskaŭ ruku inšym rasijanam. Čamu da Chismatulina asablivaje staŭleńnie? Na heta jość niekalki pryčyn.
Vice-prezident Fiederacyi šachmat Rasii (FŠR) Siarhiej Smahin miarkuje, što Duda admoviŭsia paciskać ruku Chismatulinu z-za taho, što toj dapamahaje i siekunduje Siarhieju Karakinu — dyskvalifikavanamu rasijskamu čempijonu.
Jak raspavioŭ sam Karakin, Chismatulin jaho treniruje šmat hadoŭ, i ŭ ich adna pazicyja. Mužčyny razam jeździli da rasijskich vajennych i pieradavali im humanitarnuju dapamohu.
«Vielmi zdorava, kali tvoj trenier nie tolki ŭ šachmatach ciabie padtrymlivaje, ale i ŭvohule, pa žyćci ŭ vas niejkija adnolkavyja pohlady», — zajaviŭ Karakin.
U inšym svaim intervju 33-hadovy Karakin raspaviadaŭ, što byvaje na froncie pryblizna raz u miesiac. A ŭ listapadzie mašyna z humanitarnaj dapamohaj, za styrnom jakoj jon znachodziŭsia, trapiła ŭ surjoznaje DTZ u Chiersonskaj vobłaści. U vyniku adzin pasažyr surjozna paškodziŭ śpinu, a Karakin pałamaŭ rebry.
Karakin naradziŭsia ŭ 1990 hodzie ŭ Simfieropali, paśla razvału SSSR atrymaŭ ukrainskaje hramadzianstva. Da 2009 šachmatyst vystupaŭ za zbornuju Ukrainy, ale paśla pierajechaŭ u Rasiju. Za padtrymku vajny byŭ dyskvalifikany Mižnarodnaj fiederacyjaj šachmat.
Siarhiej Karakin taksama ŭvajšoŭ u śpis davieranych asobaŭ Uładzimira Pucina na budučych prezidenckich vybarach.
Jak adznačyŭ sam šachmatyst, heta adbyłosia druhi raz u jaho žyćci. «Uładzimir Uładzimiravič — lepš za ŭsich. Jon — adziny, chto moža abjadnać usich ludziej», — adznačaŭ šachmatyst i raspaviadaŭ, što źbirajecca jak davieranaja asoba Pucina sustrakacca z moładździu ŭ rehijonach, kab «svaim prykładam ich niejkim čynam natchniać na toje, kab my razam raźvivali Rasiju, našu lubimuju krainu, i vystupali adzinym frontam».
Čytajcie jašče:
Šachmatist, kotoromu sobirali dieńhi na pojezdku na čiempionat mira, zaniał 88-je miesto
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»33
Kamientary