Na bijafaku BDU zatrymlivali łabarantak za manikiur, ściah i BČB-cacku
Represii nie abyšli bokam fakulteta, dzie vučycca Mikałaj Łukašenka. «Našaj Nivie» stała viadoma pra zatrymańni na bijafaku BDU, jakija adbylisia niekalki tydniaŭ tamu.
Fota: uvdgomel / Telegram
Hetyja zatrymańni adbylisia na kafiedry bataniki prosta padčas pracoŭnaha dnia. Paciarpieli dźvie łabarantki.
Na rukach u adnoj ź ich pabačyli bieł-čyrvona-bieły manikiur, druhaja ž mieła na pracoŭnym stale cacku z BČB-kryłami i ŭkrainski ściah.
Vyhladaje, što niechta danios na žančyn i ich zatrymańnie nievypadkovaje.
Adna z łabarantak adbyła termin u 15 sutak i vyjšła na volu. Što z druhoj žančynaj i dzie jana znachodzicca, pakul nieviadoma.
«Naša Niva» — bastyjon biełaruščyny
PADTRYMAĆ
Kamientary