«Kali ščyra, to nie vielmi». Pucinski pres-sakratar acaniŭ rasijski cud techniki
Pres-sakratar Pucina Dźmitryj Piaskoŭ aprabavaŭ na Čukotcy rasijski śniehabałotachod «Chiŝnik» i pryznaŭsia, što mašyna jaho rasčaravała i jaje treba dapracoŭvać, paviedamlajuć «RIA-Novosti».
«Vy viedajecie, kali ščyra, to nie vielmi. Ja b da vytvorcaŭ źviarnuŭsia, nu, mašynu treba, viadoma, davodzić da ładu. Jany vyrablajuć. Ale voś naš kiroŭca raskazvaŭ, što sam napilnikam jaje ŭdaskanalvaŭ, sam dakručvaŭ i hetak dalej, rul pracuje drenna, karobka drennaja. Vielmi dobra pracuje ruchavik, ale vyśvietliłasia, što ruchavik impartny», — skazaŭ Piaskoŭ reparcioram.
Pavodle jaho słoŭ, rasijskija vytvorcy pry adsutnaści zachodniaj kankurencyi «sprabujuć spačyvać na łaŭrach. Ničoha inšaha niama, tamu ŭsie ŭ ich kuplajuć».
«Była b kankurencyja bolšaja, jany b varušylisia. A jany nie varušacca. Tamu ja voś tak voś abrynuŭsia z krytykaj», — skazaŭ pucinski pres-sakratar.
Śniehabałotachody «Chiŝnik» vyrablajuć u Tabolskim rajonie Ciumienskaj vobłaści. Piaskoŭ jeździŭ na im na Čukotcy razam z Pucinym.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary