«Калі шчыра, то не вельмі». Пуцінскі прэс-сакратар ацаніў расійскі цуд тэхнікі
Прэс-сакратар Пуціна Дзмітрый Пяскоў апрабаваў на Чукотцы расійскі снегабалотаход «Хищник» і прызнаўся, што машына яго расчаравала і яе трэба дапрацоўваць, паведамляюць «РИА-Новости».
«Вы ведаеце, калі шчыра, то не вельмі. Я б да вытворцаў звярнуўся, ну, машыну трэба, вядома, даводзіць да ладу. Яны вырабляюць. Але вось наш кіроўца расказваў, што сам напільнікам яе ўдасканальваў, сам дакручваў і гэтак далей, руль працуе дрэнна, каробка дрэнная. Вельмі добра працуе рухавік, але высветлілася, што рухавік імпартны», — сказаў Пяскоў рэпарцёрам.
Паводле яго слоў, расійскія вытворцы пры адсутнасці заходняй канкурэнцыі «спрабуюць спачываць на лаўрах. Нічога іншага няма, таму ўсе ў іх купляюць».
«Была б канкурэнцыя большая, яны б варушыліся. А яны не варушацца. Таму я вось так вось абрынуўся з крытыкай», — сказаў пуцінскі прэс-сакратар.
Снегабалотаходы «Хищник» вырабляюць у Табольскім раёне Цюменскай вобласці. Пяскоў ездзіў на ім на Чукотцы разам з Пуціным.
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч7
Каментары