U Francyi źniščyli i vybili paŭtorna 27 miljonaŭ maniet. Usio praź niaŭvažlivaść
Manietny dvor Paryža ŭ listapadzie 2023 hoda vypuściŭ maniety naminałam 10, 20 i 50 jeŭracentaŭ z novym malunkam. Ale na ich niapravilna adlustravali zorki na ściahu ES, tamu maniety daviałosia pierarablać, paviedamlaje Politico.
Zhodna z zakanadaŭstvam ES, dziaržavy-ŭdzielnicy sajuza mohuć mianiać nacyjanalnyja maniety jeŭra kožnyja 15 hadoŭ, ale im treba na heta ŭchvaleńnie ad Jeŭrakamisii i inšych uradaŭ jeŭrazony.
Paviedamlajecca, što Francyja nieaficyjna źviazałasia ź Jeŭrakamisijaj, pierš čym źviarnucca z aficyjnym zapytam na adabreńnie dyzajnu, ale manietny dvor prystupiŭ da pracy, nie čakajučy ŭchvaleńnia ES. A tam u vyniku nie ŭchvalili.
Ministerstva ekanomiki Francyi zajaviła, što manietny dvor voźmie na siabie vydatki pa pieravybivańni maniet.
Dyzajn novych maniet dahetul zastajecca ŭ tajamnicy. Čakajecca, što ich prezientujuć u kancy zimy.
Kamientary