Z 1 studzienia da 30 červienia 2010 hoda ŭ Jeŭrapiejskim sajuzie budzie staršynstvavać Ispanija.
Pavodle Lisabonskaha pahadnieńnia, jakoje nabyło moc 1 śniežnia 2009 hoda, najbližejšyja paŭhoda Ispanija budzie ciesna supracoŭničać z budučymi staršyniami — Bielhijaj i Vienhryjaj. Madryd čaćviorty raz staršynstvuje ŭ ES z tych časoŭ, jak Ispanija stała členam sajuza ŭ 1986 hodzie.
U ispanskaha staršynstva čatyry asnoŭnyja zadačy: nadańnie impulsu raźvićciu jeŭrapiejskaj ekanomiki; zapusk Lisabonskaha pahadnieńnia, jakoje maje na ŭvazie farmiravańnie jeŭrapiejskaj dypłamatyčnaj słužby i ahulnajeŭrapiejskaj narodnaj zakanadaŭčaj inicyjatyvy; raźvićcio ŭzajemadziejańnia hramadzian krain ES ź jeŭrastrukturami; farmiravańnie ahulnaj źniešniaj palityki ES.
Ispanija adznačaje dva važnyja viektary źniešniaj palityki: jeŭraamierykanski (adnosiny z ZŠA i krainami Łacinskaj Amieryki) i susiedski (krainy Mižziemnaha mora, Uschodniaj Jeŭropy ŭ ramkach Uschodniaha partniorstva i Rasija).
Aficyjny sajt ispanskaha staršynstva: http://eutrio.es
U Biełarusi ispanskaje staršynstva budzie pradstaŭlać pasolstva Vialikabrytanii.
Kamientary