Booking pierastaŭ prymać apłatu biełaruskich bankaŭ? I tak, i nie
Čytačy «Anłajniera» zaŭvažyli, što apošnija niekalki dzion servis reziervavańnia Booking.com nie prymaje apłatu z kartak niekatorych biełaruskich bankaŭ pry reziervavańni žylla za miažoj. Ci hłabalnaja heta prablema, i jak joj dać rady?
«U mianie piša: «Nie ŭdałosia apracavać danyja vašaj karty», choć litaralna pazaŭčora na hetuju kartu było zareziervavana biez prablem, pryčym karta pryviazanaja, to-bok adrazu ŭžo ŭ zapisie. I z mabilnaj prahramy, i z kampjutara — adnolkavaja prablema. Karty dvuch roznych bankaŭ byli pasprabavanyja», — napisaŭ karystalnik foruma vydańnia 16 studzienia.
«Siońnia nočču paśpiachova śpisaŭ Booking hrošy za reziervavańnie ŭ Hiermanii. A letaś za kvateru ŭ Vilni adzin raz nie prachodziła apłata, dobra, z haspadyniaj udałosia damovicca, što apłacim pry zajeździe. Tak što prablema nie hłabalnaja, zaležyć chutčej ad taho, chto hrošy śpisvaje», — dadaje inšy karystalnik užo 17 studzienia.
Adna ź viersij, čamu tak adbyłosia — pierachod servisu na amierykanskuju apłatnuju sistemu Stripe. Čytačy paviedamlajuć, što karty Pryjorbanka i Biełarusbanka pracujuć, choć jość i tyja, u kaho zareziervavać žyllo kartami hetych bankaŭ nie atrymlivajecca. Siudy ž možna adnieści karty Alfa-Banka — u čytača «Anłajniera» zareziervavać žyllo ŭsio ž vyjšła. Ale ŭ kahości z kartkaj hetaha banka reziervavańnie nie prajšło.
Z łajfchakaŭ karystalniki foruma rajać hladzieć varyjanty, dzie apłatu apracoŭvaje sam hatel, a nie Booking.com. Tak bolš šancaŭ, što apłata projdzie. Albo šukać varyjant «apłata na miescy» i ŭžo tam apłačvać hatoŭkaj abo kartaj.
Taksama zastałasia mahčymaść vykarystoŭvać PayPal. Niekatoryja karty biełaruskich bankaŭ vydatna pryviazvajucca da hetaj sistemy.
U Biełarusi zapracavaŭ novy servis anłajn-braniravańnia hatelaŭ
«Pry sustrečy jany datykajucca adno da adnaho nasami». Biełarusy patrapili na vyspu, pra jakuju mała chto čuŭ
Jak samastojna spłanavać avijapadarožža i nie prahadać? Biełarusy padzialilisia łajfchakami
Smažanyja sabaki na pryłaŭkach i muzyka z Pokemon na mohiłkach. Biełarus raskazaŭ, jak try miesiacy pražyŭ na poŭdni Vjetnama
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary