Dziaŭčyna, jakaja siadzieła na bali z Łukašenkam, vychodzić zamuž
Na Ksieniju Salej usia kraina źviarnuła ŭvahu naprykancy minułaha hodu. Tady na tradycyjnym navahodnim bali 20-hadovuju pryhažuniu pasadzili pobač z Łukašenkam. Zaraz jana apublikavała ŭ storys u instahramie fota zaručalnaha piarścionka pasiarod čyrvonych ružaŭ z podpisam: «Nu voś niejak tak».
Darečy, Ksienija vielmi hanaryłasia toj rolaj, jakuju joj daviałosia syhrać na praŭładnym śviacie. U minułym śniežni studentka zapościła zdymak, jaki prakamientavała tak: «Voś takaja voś vip-łoža (u minułaj historyi chacieła pakazać, što ja krutyška takaja siadzieła z prezidentam). Pachvaliłasia, možna znoŭ uciakać ź instahrama na niavyznačany termin».
Potym dziaŭčyna tłumačyła «Hrodzienskaj praŭdzie», u jakoj sama padpracoŭvaje (Ksienija vučycca na 4 kursie fakulteta historyi kamunikacyi i turyzma Hrodzienskaha dziaržaŭnaha ŭniviersiteta imia Janki Kupały), jak trapiła ŭ Pałac Niezaležnaści:
− Siadžu na zaniatkach − i raptam mnie telefanujuć z upraŭleńnia vychavaŭčaj pracy z moładździu, kažuć, što maju kandydaturu vyłučajuć dla ŭdziełu ŭ respublikanskim bali. Ja, viadoma, pahadziłasia. Ale nie viedała, pavodle jakich kryteryjaŭ vybirali ŭdzielnikaŭ. Dla mianie vialikaj niečakanaściu było, što mianie ŭsio ž zaćvierdzili.
Ale dazvolim sabie ŭsumnicca ŭ ščyraści ździŭleńnia dziaŭčyny z madelnaj źniešnaściu. Niahledziačy na juny ŭzrost, jana ŭžo paśpieła vyznačycca ŭ baraćbie na ideałahičnym froncie. Naprykład, letaś razam ź inšymi studentami źniała 15-chvilinny dakumientalny film «Armija Krajova: košt zdrady».
Nakolki heta prapahandysckaja praca, možna zrazumieć pa adnoj cytacie prakurora Hrodzienskaj vobłaści Alaksandra Žukava:
− Hety prajekt byŭ zadumany dla taho, kab danieści da maładoha pakaleńnia, ukłaści im u serca i rozumy vyniki rasśledavańnia kryminalnaj spravy pa fakcie hienacydu biełaruskaha naroda. Kab našaja moładź sutyknułasia z tymi źvierstvami, jakija tvaryli fašysty na našaj terytoryi, samastojna razabrałasia, što takoje fašyzm i nacyzm, chto takija karniki i kałabaracyjanisty. Heta važna, kab jany razumieli pamiery trahiedyj, hienacydu, jaki byŭ na našaj terytoryi. Hety fakt biassprečny, jon dakazany materyjałami kryminalnaj spravy.
Adznačajecca taksama, što Ksienija − udzielnica maštabnych prajektaŭ, jakija atrymlivajuć padtrymku prezidenckaha śpiecyjalnaha fonda. Karaciej kažučy, nastolki ideałahična nadziejnuju pryhažuniu składana było b znajści.
Dyk chto ž zrabiŭ prapanovu ruki i serca Ksienii? Heta 25-hadovy Anton Słabyš. Darečy, jakraz zaraz jon šukaje pracu pa śpiecyjalnaści UX/UI-dyzajnier.
Kamientary