Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie
Vašynhton zhodny z tym, kab harantyi biaśpieki dla Ukrainy byli aformleny jak zakon, uchvaleny Kanhresam ZŠA.
Uładzimir Zialenski paviedamiŭ pra isnavańnie troch dakumientaŭ, jakija datyčacca zaviaršeńnia vajny va Ukrainie.
Pavodle jaho słoŭ, adzin z takich dakumientaŭ — heta «mirny płan» z 20 punktaŭ, jaki pastajanna źmianiajecca. Dva inšyja — heta harantyi biaśpieki dla Ukrainy i prajekt paślavajennaha adnaŭleńnia krainy, jaki «pavinien pracavać paśla taho, jak skončycca vajna abo budzie spynieńnie ahniu».
Zialenski ŭdakładniŭ, što Vašynhton zhodny z tym, kab harantyi biaśpieki dla Ukrainy byli aformleny jak zakon, uchvaleny Kanhresam ZŠA.
«Amierykancy skazali nam nastupnaje: jany chočuć, kab hetym razam va Ukrainy byli realistyčnyja harantyi biaśpieki, uchvalenyja Kanhresam, kab my sapraŭdy heta adčuvali, kab u nas była zbroja, a ŭ vypadku nieabchodnaści ŭžyvalisia sankcyi, kab u nas była SPA, i kab było pa ŭzoru piataj artykuły [Statuta NATA], adnak hetyja detali my pakul jašče nie prapracoŭvali», — skazaŭ prezident Ukrainy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary