Žurnalistka Zacharava prakamientavała dziejańni chakieista Suško, jaki, zdajecca, uščypnuŭ jaje nižej za śpinu
U internecie vialiki rezanans vyklikała intervju chakieista «Sibiry» Maksima Suško karespandentu «Biełaruś 5» Kryścinie Zacharavaj. Zdajecca, biełaruski chakieist uščypnuŭ teležurnalistku nižej za śpinu. Kryścina prakamientavała dla sport5.by hety epizod.
«Pryjemna daviedacca, što tak uvažliva ŭsie hladziać našyja fłeš-intervju. I staranna šukajuć tajemnyja znaki ŭ kožnym ruchu», — pasprabavała pažartavać jana.
Jana patłumačyła, što ŭsio było ŭ žyvym efiry.
«Maks adkazaŭ na finalnaje pytańnie i paśpiašaŭsia ŭžo sychodzić u raspranalniu.
A jašče idzie žyvy efir i ja pieradaju słova kamientataram! Bakavym zrokam baču, što jon źbirajecca sychodzić i sprabuje heta zrabić za majoj śpinaj. Zrazumieła, što heta budzie niekarektna ŭ kadry i prytrymała jaho! Apieratar sa siaredniaha płana syšoŭ na bujny, tamu nie zusim zrazumieła, što ž za ruchi byli takija», — skazała jana.
Dziaŭčyna dadała, što z Maksimam jany znajomyja «ledź nie ź dziacinstva».
«Družnaja ź siamjoj! Tamu kamunikujem zaŭsiody pa-siabroŭsku! Tak što, nijakaj intryhi, pracoŭny momant», — skazała Kryścina Zacharava.
Kryścina Zacharava zjaŭlajecca dačkoj treniera Michaiła Zacharava, blizkaha da Alaksandra Łukašenki. A Maksim Suško — syn Siarhieja Suško, hienieralnaha dyrektara CHK «Dynama-Minsk».
Bondarava zachacieła dvuchmoŭja, jak u Finlandyi. My taksama za6
Kamientary