Samaja bujnaja za apošnija hady padpolnaja vytvorčaść samahonu likvidavana supracoŭnikami Haradzienskaha RAUS u vioscy Rybnica.
Jak paviedamili ŭ adździaleńni infarmacyi i hramadskich suviaziaŭ UUS Haradzienskaha abłvykankama, mini‑zavod raźmiaščaŭsia ŭ haspadarčaj pabudovie pobač z domam 52‑hadovaj žycharki abłasnoha centra. Niahledziačy na sankcyju prakurora, žančyna admoviłasia dobraachvotna adčynić dźviery, paśla čaho supracoŭniki milicyi byli vymušany ŭzłamać zamok.
Za dźviaryma stajaŭ niezvyčajny aparat, jaki pracavaŭ na poŭnuju mahutnaść. Jaho kanstrukcyja była nastolki składanaj, što dla likvidacyi mini‑zavoda byli vyklikany śpiecyjalisty hazavaj słužby.
Paźniej stała viadoma, što pry ŭźniknieńni niepaładak padčas vyrabu samahonu ŭsia vioska mahła ŭźlacieć — u pamiaškańni znachodziłasia pryblizna 20 bałonaŭ z hazam, jakija zachoŭvalisia biez vykanańnia praviłaŭ biaśpieki.
Kanfiskavana 120 litraŭ samahonu, źniščana bolš jak 5 ton brahi, vialikaja kolkaść parožniaj tary, pryznačanaj dla raźlivu napoju.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary