Zdaroŭje11

Časnok na šyi: heta sapraŭdy pracuje?

Kožny hod z nadychodam pieryjadu prastudnych zachvorvańniaŭ ludzi ŭspaminajuć babuliny mietady ich prafiłaktyki i lekavańnia. Voś što možna ćviorda skazać pra časnok.

Niekatoryja ź biełarusaŭ pobač ź miedycynskimi preparatami imkniecca vykarystać i babuliny mietady lačeńnia i prafiłaktyki prastudnych zachvorvańniaŭ. Možna zhadać, jak u časy kavidu vialikuju papularnaść nabyli pohlady ab tym, što časnok moža praduchilić zachvorvańnie. Tady pašyryłasia vykarystańnie roznych «amuletaŭ» z časnaku.

Niadaŭna ŭ źjaviłasia infarmacyja ab tym, što ŭ Kruhlanskim dziciačym sadku na Mahiloŭščynie vychavacielka ŭ metach prafiłaktyki raspaŭsiudžańnia prastudnych zachvorvańniaŭ prymusiła svaich vychavancaŭ nasić na šyi płastykavyja jajki ad kindar-siurpryzu z časnakom unutry. Pa słovach samoj žančyny, jana naŭmysna zrabiła karotkija stužački, kab hetyja śmiardziučyja amulety byli bližej da dziciačych tvaraŭ.

U svajoj natatcy ŭ internet-vydańni «Kruhłaje NEWS» vychavacielka śćviardžaje, što baćki małych takuju inicyjatyvu padtrymali i navat paabiacali zabirać hetyja vyraby dadomu i samastojna mianiać tam časnok. Jak śćviardžaje žančyna, taki sposab baraćby ź virusami całkam efiektyŭny. Ale ci nasamreč heta tak?

amulet z časnakom amulet s čiesnokom amulet with garlic
Vychavancy dziciačaha sadka №1 horada Kruhłaje z amuletami z časnakom. Fota: krugloe.by

Treba pahadzicca z tym, što ŭ časnaku šmat vitaminaŭ i mikraelemientaŭ. Ale z-za śpiecyfiki jaho smaku i škodnych nastupstvaŭ dla sistemy stravavańnia jaho šmat nie zjasi.

Kali havaryć pra lekavyja ŭłaścivaści hetaj harodniny, to ŭ pieršuju čarhu majuć na ŭvazie hałoŭny časnočny dziejučy srodak — alicyn. Jon utvarajecca pry miechaničnym razbureńni kletak časnaku i stvaraje rezki pach. Hety kampanient vielmi niestabilny i lohka raspadajecca na praciahu niekalkich chvilin.

Tamu, kali vy vyrašyli nasić abarončy amulet z časnaku na šyi, to, kab jon nie hublaŭ svaju efiektyŭnaść, źmieściva treba mianiać chacia b kožnyja dziesiać chvilin.

Jak tłumačać śpiecyjalisty, antybakteryjalnaje dziejańnie alicynu moža być dobraj padtrymkaj arhanizmu pry bakteryjalnaj prastudzie (vostrym reśpiratornym zachvorvańni). Alicyn maje vysokuju aktyŭnaść jak suprać hramstanoŭčych, tak i hramadmoŭnych bakteryj.

A voś pry hrypie i vostraj reśpiratornaj virusnaj infiekcyi jon moža tolki padtrymać imunnuju sistemu.

Tamu karyść ad płastykavych jajek ad kindar-surpryzaŭ z časnakom unutry chiba što tolki ŭ tym, što niepryjemny pach budzie prymušać navakolnych trymacca dalej ad jaho ŭładalnika.

Dla prafiłaktyki zachvorvańniaŭ daktary rajać pryvučać dziaciej čaściej myć ruki z myłam i nie čapać tvar brudnymi rukami.

Bolš efiektyŭna zamiest časnaku pakłaści vatny dysk ci kavałačak tkaniny, na jaki kapnuć luby chvojny efirny alej. A ŭ pamiaškańni vykarystoŭvać aeralampy ź im.

Čytajcie jašče:

10 najlepšych naturalnych antybijotykaŭ: što heta za raśliny i jak jany dziejničajuć?

Jak pazbavicca niepryjemnaha pachu časnaku

Kińcie časnyk va ŭnitaz na noč. Efiekt vas ździvić

Kamientary1

  • 18 re
    15.02.2024
    18 rubloŭ kiłahram. Łukašjo pavisła u biełarusaŭ na šyi.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod5

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod

Usie naviny →
Usie naviny

Jak niezaležnyja sacyjołahi pravodziać apytańni ŭ siońniašnich realijach? 12 pytańniaŭ i adkazaŭ4

U Biełarusi pastavili jašče adzin pomnik chlebu FOTY11

Prafiesijnym tenisistkam buduć davać apłačany dekretny adpačynak2

15-hadovaja dziaŭčyna vyratavała chłopčyka, jaki pravaliŭsia pad lod u Asipovičach2

ZŠA praciahvajuć pieradavać Ukrainie raźvieddanyja, ale ŭ abmiežavanym abjomie

Marka Rubia i ministr transpartu ZŠA nakryčali na Maska. Tramp byŭ zmušany ŭmiašacca20

Aŭtapartret źviazanaha ź Viciebskam mastaka pradali ŭdvaja vyšej acenki. I heta nie Šahał

Maxar paćvierdziŭ, što adklučyŭ dostup Ukrainy da spadarožnikavych zdymkaŭ pa rašeńni ŭrada ZŠA1

Siłaviki zajavili pra ŭzłom resursaŭ «Biełpoła». A jak na samaj spravie?14

bolš čytanych navin
bolš łajkanych navin

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod5

«Ci adkažuć za tych, chto zadychnuŭsia?» Rasijskija vajenkary pišuć ab pravale šturmu Sudžy praz hazapravod

Hałoŭnaje
Usie naviny →

Zaŭvaha:

 

 

 

 

Zakryć Paviedamić