Suprać pravaabaroncy i byłoha palitviaźnia Leanida Sudalenki adkryli śpiecyjalnuju vytvorčaść, to-bok jaho źbirajucca sudzić u Biełarusi zavočna.
Abvinavačvajuć Sudalenku pa č. 1, 2 art. 361-4 Kryminalnaha kodeksa Biełarusi, to-bok jamu zakidajecca «sadziejaničańnie ŭ ekstremisckaj dziejnaści.
Były kiraŭnik homielskaha adździaleńnia pravaabarončaha centra «Viasna» Leanid Sudalenka ŭ listapadzie 2021 hoda byŭ asudžany da troch hadoŭ kałonii. Vyjšaŭ na volu ŭ lipieni 2023-ha, całkam adbyŭšy termin, paśla čaho nieŭzabavie vyjechaŭ za miežy Biełarusi. U listapadzie stała viadoma, što suprać jaho raspačali novuju kryminalnuju spravu pa artykule ab «sadziejničańni ekstremisckaj dziejnaści».
Taksama ŭ admysłovym telehram-kanale źjaviłasia paviedamleńnie, što śpiecvytvorčaść adkryli adnosna Juryja Ščučko z Rečycy. Jaho abvinavačvajuć pa art. 188 (paklop), č. 3 art. 203-1 (niezakonnyja dziejańni adnosna infarmacyi ab pryvatnym žyćci), č. 1, 2 art. 340 (zahadzia chłuślivaja infarmacyja pra niebiaśpieku), č. 1 art. 366 (hvałt abo pahroza ŭ dačynieńni słužbovaj asoby), č. 1 art. 368 (abraza Łukašenki), art. 369 (abraza pradstaŭnika ŭłady), art. 391 (abraza sudździ ci narodnaha zasiadaciela) KK RB.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1616
Kamientary