Košt biełaruskaha rubla značna niedaacenieny. Na heta ukazvaje «indeks bihmaka», jaki štohod raźličvajecca časopisam The Economist.
Košt biełaruskaha rubla značna niedaacenieny. Na heta ukazvaje «indeks bihmaka», jaki štohod raźličvajecca časopisam The Economist. U Biełarusi bihmak pradajuć za 2,26 dalara (6 400 rub.), a ŭ ZŠA za 3,58 dalara.
Ideja Big Mac Index zasnavana na teoryi parytetu pakupnickaj zdolnaści, zhodna jakoj sapraŭdnaja vaha valuty raźličvajecca pavodle taho, kolki peŭnych tavaraŭ možna nabyć za hetu adzinku valuty ŭ krainie. Ekśpierty časopisa The Economist sychodziać z taho, što vydatki na vytvorčaść bihmaka adnolkavyja paŭsiul, i paraŭnoŭvaje košty ŭ 120 krainach.
Pry raźlikach Big Mac Index za asnovu biarecca košt dvajnoha hamburhiera, jaki pradajecca ŭ sietcy restaranaŭ McDonald's pa ŭsim śviecie.
U Biełarusi bihmak pradajuć za 2,26 dalara (6 400 rub.), a ŭ ZŠA za 3,58 dalara. Z ulikam kursu biełaruskaha rubla atrymlivajecca, što kurs dalara pavinien składać u Biełarusi 1787 rubloŭ (—30%).
U susiedniaj Rasii bihmak kaštuje prykładna stolki ž — 2,34 dalara. Takim čynam, kurs rasijskaha rubla pavinien składać mieniej 20 rubloŭ za dalar. Samyja tannyja bihmaki pradajuć u Kitai — 1,83 dalara, tamu mienavita kitajski juań ličycca sama niedaacenienaj valutaj, jakaja da spraviadlivaha kursa nie daciahvaje amal 50 %. Samaj pieraacenienaj valutaj u adnosinach da dalara ZŠA akazałasia narviežskaja krona, jakaja kaštuje na 96 % daražej.
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ15
Kamientary