Cichanoŭskaja vykazała spačuvańni ŭ suviazi z teraktam u «Krokusie» i paprasiła biełarusaŭ dbać pra svaju biaśpieku
Śviatłana Cichanoŭskaja vydała zajavu z nahody teraktu, jaki adbyŭsia ŭviečary 22 sakavika ŭ kancertnaj zale «Krokus Sici Choł» u Krasnahorsku pad Maskvoj.
«Siońnia ŭ kancertnym kompleksie «Krokus Sici Choł» zdaryŭsia terakt, jaki nahadaŭ mnie pra padziei ŭ pačatku 2000-ch. Zachop «Nord-Osta», zakładniki ŭ Biesłanie… Trahiedyja, jakaja i tady stała padstavaj dla vajny.
Kali heta i ciapier stanie padstavaj dla abviaščeńnia vajny, to my budziem nie inšymi naziralnikami. Ciapier maštabavańnie vajny aznačaje pramuju niebiaśpieku dla Biełarusi, jakuju Rasija zrobić paŭnavartasnaj udzielnicaj svaich płanaŭ. Trahiedyja budzie nie pa televizary, my budziem hladzieć prosta na jaje.
Ja vykazvaju ščyryja spačuvańni siemjam i blizkim zahinułych u hetaj žachlivaj trahiedyi. I žadaju zdaroŭja ŭsim tym, chto paciarpieŭ.
Taksama ja dałučajusia da zakliku majho namieśnika ŭ Abjadnanym pierachodnym kabiniecie Paŭła Łatuški. I prašu biełarusaŭ pakłapacicca pra svaju biaśpieku, paźbiahać zboru ludziej i ŭvažliva nazirać za tym, što adbyvajecca na terytoryi Biełarusi ŭ najbližejšy čas», — zajaviła Cichanoŭskaja.
Čytajcie taksama:
Terakt u «Krokus Sici Choł»: što viadoma na hety momant
«Heta pravakacyja śpiecsłužbaŭ Pucina» — HUR Ukrainy pra stralaninu ŭ Padmaskoŭi
Terakt na kancercie ŭ «Krokus Chole» ŭ Maskvie. Mnostva achviar
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin9
Kamientary