U pieršym vypadku vinoŭnik DTZ źbieh ź miesca zdareńnia. Druhi kiroŭca advioz paciarpiełuju ŭ balnicu.
U pieršym vypadku vinoŭnik DTZ źbieh ź miesca zdareńnia. Druhi kiroŭca advioz paciarpiełuju ŭ balnicu.
Pieršaje darožna-transpartnaje zdareńnie adbyłasia ranicaj 14 studzienia pa vuł. Fralankova. 42-hadovaja žančyna pierachodziła prajeznuju častku pa vyznačanym nierehulavanym piešachodzie. Jak raz u hety momant z boku vuł. Paŭłava ŭ bok vuł. Pieršukieviča jechaŭ hruzavik. Pa słovach dziaržaŭtainśpiektara ADAI Baranavickaha HUUS Andreja Vałkavyckaha, vadziciel, jak miarkujecca, nie prosta nie prapuściŭ žančynu, ale navat nie zaŭvažyŭ, jak jaho hruzavik zakranuŭ jaje, u vyniku čaho žančyna-piešachod upała na darohu. «Kiroŭca nie spyniŭsia, jak hetaha patrabujuć praviły darožnaha ruchu, a pakinuŭ miesca DTZ. Paciarpiełaja zapomniła numar mašyny i ciapier my šukajem hetaha vadziciela », – skazaŭ Andrej Vałkavycki. Na ščaście, žančyna surjozna nie paciarpieła i paśla akazanaj joj pieršaj miedycynskaj dapamohi była adpuščanaja dachaty.
Druhaja avaryja adbyłasia niekalkimi hadzinami paźniej na vuł. Kamsamolskaj, na piešachodnym pierachodzie nasuprać Doma aficeraŭ. Žančyna prykładna takoha ž ŭzrostu, što i pieršaja paciarpiełaja, taksama pierachodziła darohu pa pierachodzie, kali jaje źbiła lehkovuška. Kiroŭca tut ža spyniŭsia, pasadziŭ paciarpiełuju ŭ mašynu i advioz jaje ŭ špital, dzie joj była akazana nieabchodnaja dapamoha.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy15
Kamientary