«Kidaŭsia na ścieny doma i kusaŭ za abutak», — apisvajuć jaho dzieci.
U Maładziečnie na skryžavańni Vialikaha Haścinca z vulicaj Mašerava centr hihijeny i epidemijałohii na padjezdach damoŭ vyviesiŭ abjavu, u jakoj paviedamlaje, što 9 krasavika ŭ dvary doma №1 na Mašerava biehaŭ pacuk, mierkavana šalony.
U abjavie adznačajecca, što pacuka padabraŭ vialiki dvarovy ryžy sabaka i ciahaŭ jaho ŭ paščy. Epidemijołahi prapanujuć baćkam vyśvietlić u svaich dziaciej, ci nie było ŭ ich kantaktaŭ z pacukom i kali byli, to terminova źviarnucca da doktara, piša Kraj.by.
Abjavy rasklejenyja jak minimum na padjezdach damoŭ № 81, 83, 85 na vialikim haścincy i doma № 1 na vulicy Mašerava.
«Pacuk z kałmataj poŭściu hučna piščaŭ, kidaŭsia na ścieny doma i chacieŭ pa ich zaleźci navierch, — napieraboj raspaviadajuć chłapčuki ŭ dvary. — Troch chłopčykaŭ jon navat za abutak ukusiŭ. Ale kusaŭ nie mocna, prakusić abutak jon nie moh. A niekatoryja ŭ jaho navat plavali i kidalisia pałkami».
Na daśledavańnie adpravili bijamateryjał dvarovaha sabaki, jaki ciahaŭ u paščy taho pacuka.
Hałoŭnaja lekarka Maładziečanskaha zanalnaha centra hihijeny i epidemijałohii Alesia Bravaja raspaviała:
«Sabaku adłavili, adabrali jaho bijamateryjał i adpravili na daśledavańnie na pradmiet zachvorvańnia na šalenstva. Kali vynik budzie stanoŭčym, i sabaka sapraŭdy chvory, to my budziem viedać pra heta ŭžo zaŭtra. Kali proba nie daść takoha vyniku, to budzie znachodzicca na daśledavańni da 30 dzion. Na siońnia da nas nie pastupali źviestki, što chtości źviartaŭsia pa miedycynskuju dapamohu ŭ suviazi z hetym pacukom. Da lekaraŭ nie prychodzili ni darosłyja, ni dzieci. Nam by pra heta adrazu stała viadoma, i my pačali b svaju metanakiravanuju pracu. Ale baćki admaŭlajuć ciesnyja kantakty svaich dziaciej z pacukom. A dzieci, vy ž sami razumiejecie, mohuć prydumać usio što zaŭhodna».
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary