Mova55

«Biełaruskaja mova stała abiareham u ciažki pieryjad majho žyćcia». Rasijanka vyvučyła biełaruskuju movu, žyvučy ŭ Hruzii

Justa — rasijanka z Vałhahrada. Paśla poŭnamaštabnaha ŭvarvańnia Rasii va Ukrainu dziaŭčyna źjechała ŭ Hruziju, dzie paznajomiłasia z biełarusami. Mienavita jany natchnili jaje na vyvučeńnie biełaruskaj movy. U razmovie z Budzma.org Justa raskazvaje pra svoj šlach da biełaruskaj movy, a taksama dzielicca ŭražańniami ad biełarusaŭ.

Justa

— Što ciabie natchniła pačać vyvučać biełaruskuju movu?

— Pa pryjeździe ŭ Hruziju ja paznajomiłasia ź biełarusami i pačała ź imi aktyŭna stasavacca. Kali ja pačuła, što jany pamiž saboj razmaŭlajuć pa-biełarusku, mnie spadabałasia, jak hučyć ich mova. Časta stała prasić pryjacielaŭ razmaŭlać sa mnoj pa-biełarusku. Tak da mianie pryjšła ideja pačać vučyć novuju movu.

Ja znajšła biełaruskamoŭny raman «1984» ad vydaviectva «Januškievič» i čytała jaho ŭhołas. Tady mnie padałosia, što ŭ knizie dakładna buduć słovy, jakija možna budzie ŭžyvać pry razmovie ź biełarusami. Raman dapamoh mnie bolš razumieć biełaruskuju i bolš volna na joj razmaŭlać.

Dla taho, kab papraktykavać movu, dałučyłasia da kłuba biełaruskamoŭnaha netvorkinhu ŭ Batumi. Tam ja sustreła šmat pryjemnych ludziej, jakija paźniej stali siabrami. Mnie tam vielmi spadabałasia. Paśla ŭdziełu ŭ netvorkinhu stała našmat praściej razmaŭlać pa-biełarusku. Čaściej za ŭsio ja razmaŭlaju pa-biełarusku sa svajoj najlepšaj siabroŭkaj ź Biełarusi, ź jakoj paznajomiłasia na mierapryjemstvie kłuba.

— Ź jakimi składanaściami ty sutyknułasia pry vyvučeńni novaj movy?

— Składanym było toje, što pa-biełarusku vielmi mała roznaha kantentu. I kali chočaš pahladzieć film pa-biełarusku, tabie treba patracić šmat času, kab jaho znajści. U horšym vypadku jaho moža nie być. Ja časam žartuju, što kali ty chočaš atrymać jaki-niebudź kantent na biełaruskaj, to tabie treba jaho zrabić.

— Jaki kantent pa-biełarusku tabie daspadoby?

— Ja lublu filmy pa-biełarusku, jakija jość na sajcie «Kinakipa». Jašče vielmi padabajecca słuchać aŭdyjaknihi. Ja słuchała «Cukierki ad baćki», «Biezdań» na «Čytancy».

Justa

— Što tabie bolš za ŭsio padabajecca ŭ biełaruskaj movie?

— Asabista dla mianie biełaruskaja mova stała abiareham u ciažki pieryjad majho žyćcia paśla emihracyi. Jana nakryvała svaim hučańniem, jak koŭdraj. U toj čas, kali rasiejskaja mova atajasamlivałasia z žacham, śmierciu i vajnoj, biełaruskaja hučała płaŭna, raśpieŭna. Jana mianie pieranosiła ŭ miescy, dzie ja nikoli nie byvała, ale chacieła pabyvać.

Ja nikoli nie była ŭ Biełarusi. Da svajho žyćcia ŭ Hruzii ŭ mianie nie było siabroŭ-biełarusaŭ. Mienavita ŭ Sakartveła ja paznajomiłasia ź biełaruskaj kulturaj, i jana mianie vielmi zacikaviła. Źjavilisia ŭlubionyja biełaruskija słovy. Naprykład, słova «škarpetki» vielmi ŭtulnaje i ciopłaje. Taksama słovazłučeńnie «hłybinnaja płyń», ad jakoha robicca prachałodna. Niekatoryja słovy ŭ movach adčuvaješ na ŭzroŭni cieła. Asabliva heta zaŭvažna, kali razmaŭlaješ pa-biełarusku.

— Što možaš raskazać pra biełarusaŭ?

— Biełarusy — kłasnyja. U vas byccam niešta śviecicca ŭnutry, maleńki ahieńčyk, jaki aśviatlaje vaš šlach. Absalutnaja bolšaść biełarusaŭ, jakich ja sustrakała — dobryja, ścipłyja, taktoŭnyja ludzi. U kampanii biełarusaŭ čaściej za ŭsio pačuvaješsia dobra, jak doma.

Kamientary5

  • Biełarus
    16.04.2024
    Dziakuj, spadarynia Justa!
  • babrujčanin
    17.04.2024
    U vas ( biełarusaŭ)byccam niešta śviecicca ŭnutry, maleńki ahieńčyk, jaki aśviatlaje vaš šlach.Ni pieršy raz čuju padobnaje adčuvańnie nazirańnie ad ad susiedziej čužyncaŭ....
  • Tak
    17.04.2024
    Navat rasijanka vyvučyła biełaruskuju movu, a babarykancy dalej nie mohuć.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Usie naviny →
Usie naviny

U vyniku ŭdaru pa internacie ŭ Sudžy na Kurščynie 95 čałaviek apynulisia pad zavałami5

Ministr zamiežnych spraŭ Litvy nazvaŭ «niebiaśpiečna pamyłkovaj» ideju adnaŭleńnia impartu rasijskaha hazu dziela miru va Ukrainie9

Aleksijevič: Ja nie dumaju, što jość choć adzin čałaviek, jaki sapraŭdy razumieje, što adbyvajecca va Ukrainie48

Administracyja Trampa choča, kab va Ukrainie sioleta prajšli vybary28

Minski Lidbeer Dvor pierajedzie na novaje miesca3

Scenarysta z Barysava asudzili dva miesiacy nazad, a ciapier na jaho zaviali jašče dźvie kryminalnyja spravy

«Kamunarka» abjaviła pra pačatak vypusku dubajskaha šakaładu5

Hihancki asietr napaŭ na rasijskuju sinchranistku ŭ Kitai padčas vodnaha šou VIDEA16

Rasijski nastaŭnik na praciahu dvuch hadoŭ tajemna źniaŭ dakumientalny film ab prapahandzie ŭ škole

bolš čytanych navin
bolš łajkanych navin

U Žłobinskim rajonie prahrymieŭ vybuch. Zahinuli tata i dvoje maleńkich dziaciej1

U Žłobinskim rajonie prahrymieŭ vybuch. Zahinuli tata i dvoje maleńkich dziaciej

Hałoŭnaje
Usie naviny →

Zaŭvaha:

 

 

 

 

Zakryć Paviedamić