Stała viadoma, kali ŭ Minsku projdzie raźvitańnie z Kanstancinam Kalcovym
Raźvitańnie z byłym chakieistam i trenieram zbornaj Biełarusi Kanstancinam Kalcovym projdzie ŭ Minsku ŭ subotu, 27 krasavika. Cyrymonija pačniecca a 10-j ranicy ŭ budynku krytaha katka ŭ parku Horkaha i praciahniecca da 12:00, paviedamlaje ŭ sacsietkach chakiejny kłub «Junactva-Minsk».
42-hadovy Kanstancin Kalcoŭ zahinuŭ 18 sakavika ŭ Majami, zvaliŭšysia z hatelnaha bałkona. Miarkujecca, što pryčynaj śmierci stała samahubstva.
Raniej cieła Kalcova kremiravali ŭ ZŠA.
Apošnim časam Kanstancin Kalcoŭ pracavaŭ u Rasii ŭ trenierskim štabie kłuba «Sałavat Jułajeŭ». Čakałasia, što chutka jon moža stać hałoŭnym trenieram minskaha «Dynama» i zbornaj Biełarusi pa chakiei. U apošnija hady žyćcia Kalcoŭ sustrakaŭsia z tenisistkaj Arynaj Sabalenkaj, ale niezadoŭha da hibieli byłoha chakieista para rasstałasia.
Sabalenka vyjšła na svoj pieršy matč paśla hibieli Kanstancina Kalcova va ŭsim čornym
Byłaja žonka Kalcova vystaviła dopis pra jaho. Sabalenka łajknuła
«Jon pasvaryŭsia». Pieršy trenier Kalcova ličyć, što jaho hibiel źviazanaja ź siamiejnymi prablemami
«Ja viedaju ŭsiu situacyju». Najlepšaja siabroŭka Sabalenki zajaviła, što viedaje abstaviny trahiedyi z Kalcovym u Majami
Zahinuły chakieist Kalcoŭ kinuŭ siamju z tryma dziećmi i pačaŭ jarki raman z Arynaj Sabalenka — voś hetaja skandalnaja historyja
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika1
Kamientary