U Dubroŭnie znajšlisia siłaviki-ekstrasensy. Jany «vykryli» ekstremiscki repost za try dni da taho, jak jon byŭ zrobleny
Siłaviki tak zachapilisia kanviejeram represij, što narabili pamyłak.
U banku sudovych rašeńniaŭ niadaŭna byŭ apublikavany kurjozny pratakoł. Jon tyčycca žychara Dubroŭna, 50-hadovaha Andreja Maračova. Zhodna sa źviestkami z adkrytych krynic, jon pracuje inžynieram-miechanikam na Dubrovienskim ilnozavodzie. My ŭžo pisali pra hety kiejs, ale tady nie zaŭvažyli kurjoz.
Padobna, što jamu zładzili «kanviejer» administratyŭnych sudoŭ. Jaho dvojčy zapar sudzili za «drobnaje chulihanstva» — 7 i 26 sakavika. Heta standartny artykuł, pa jakim «kruciać» palityčnych, kali na ich bolš ničoha niama, časta ŭ miežach padrychtoŭki kryminalnaj spravy. Paśla hetaha mužčynu, imavierna, pierazatrymali, bo nastupny sud nad im adbyŭsia 8 krasavika 2024-ha.
Zhodna z pastanovaj suda, 31-ha sakavika («dakładny čas nie vyznačany») jon zrabiŭ repost «ekstremisckich materyjałaŭ» na svaju staronku ŭ «Adnakłaśnikach». Ale prazorliŭcy z Dubrovienskaha RAUS jaho apiaredzili i ŭžo ŭ 8:55 28 sakavika padčas «niečakanaha» ahladu staronki Andreja znajšli hety repost.
Adznačym, što jahonaja staronka ŭ «Adnakłaśnikach» zakrytaja, tamu, imavierna, siłaviki zajšli na jaje prosta z telefona mužčyny.
U vyniku Andreju dali troje sutak i kanfiskavali kampjutar.
Praŭda, na žal, pryhody dla jaho nie skončylisia. Miarkujučy pa raskładach sudoŭ, čarhovy sud nad mužčynam adbyŭsia 25 krasavika.
Andrej Maračoŭ pracuje na lnozavodzie bolš za dvaccać hadoŭ. Za hety čas jaho niekalki razoŭ uznaharodžvali. Jon udaviec.
«Naša Niva» — bastyjon biełaruščyny
PADTRYMAĆ«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»12
Kamientary
A potym Łukašenka skardzicca, što na zavodach niama kamu pracavać i vydumlaje roznyja bredovyja idei, dzie ŭziać rabotnikaŭ.
Siłaviki padryvajuć ekanomiku krainy.