Rekanstrukcyja kinateatra «Pieramoha» ŭ Minsku zavieršycca da 3 lipienia
Za im adramantujuć «Maskvu».
U Minsku da kanca hetaha hoda płanujuć zaviaršyć rekanstrukcyju dvuch kinateatraŭ — «Pieramoha» i «Maskva», paviedamiŭ kiraŭnik pradpryjemstva «Minskbud» Alaksandr Cierachaŭ.
Pa słovach hienieralnaha dyrektara profilnaha pradpryjemstva, kinateatr» Pieramoha « płanujecca ŭvieści ŭ ekspłuatacyju da śviatkavańnia 80-hodździa vyzvaleńnia Biełarusi ad niamiecka-fašysckich zachopnikaŭ, heta značyć da 3 lipienia.
«Heta stanie svojeasablivym padarunkam haradžanam. Budtrest №1 prykładvaje ŭsie namahańni, kab zaviaršyć abjekt u termin», — dadaŭ Cierachaŭ, jaho słovy pryvodziać «Minsk-Naviny».
Jon taksama raspavioŭ, što dla staličnaha kinateatra raspracavali novuju kancepcyju. Tam raźmieściacca jak vialikija sučasnyja kinazały, tak i mienšaj źmiaščalnaściu.
Kiraŭnik «Minskbuda» taksama nahadaŭ, što na rekanstrukcyi znachodzicca jašče adzin kinateatr — «Maskva».
«Jość niekatoryja ciažkaści, ale my ich pieraadolvajem. Upeŭnieny, što da kanca hoda abjekt budzie ŭviedzieny ŭ ekspłuatacyju», — ličyć Cierachaŭ.
Ciapier čytajuć
Chto ciapier prapisany ŭ aficyjnaj rezidencyi Drazdy razam z Łukašenkam?17
Kamientary