Jak «Karčma 1863» u Vilni zmahajecca z «sapraŭdnaj mafijaj» skaržnikaŭ. Novy «TOK» — z artystam Illoj Jasinskim
U novym vypusku TOKu saŭładalnik adnaho z samych biełaruskich miescaŭ Vilni — Karčmy 1863 — Illa Jasinski raskazaŭ pra skarhi na ŭstanovu i toje, jak rost uvahi ŭ Litvie da «lićvinizmu» paŭpłyvaŭ na pracu ŭstanovy.
Pa słovach Illi, z rostam uvahi ŭ Litvie da «lićvinizmu» ich sacyjalny biźnies pieratvaryŭsia ŭ «sapraŭdnuju vajnušku».
Kali da hetaha davodziłasia sutykacca ź ludźmi, jakija pisali skarhi prosta tamu, što im nie padabajecca, što vakoł šmat ustanoŭ, jakija stvarajuć šum i pieraškadžajuć žycharam, to z rostam uvahi da lićvinizmu na ich ustanovu pačali pisać skarhi adnosna movy absłuhoŭvańnia.
U «Karčmu 1863» prychodziła inśpiekcyja. «U nas jość aficyjanty, jakija vałodajuć na roznym uzroŭni litoŭskaj. Jość adzin biełarus, chłopčyk-student, jaki prosta z nula ŭsio vyvučyŭ i supier razmaŭlaje. Inśpiekcyja pahladzieła, skazała što rabić», — raskazvaje Jasinski.
Paźniej pačalisia skarhi ŭ pracoŭnuju inśpiekcyju. Pa słovach Illi, pravierka vyjaviła adnaho čałavieka, jaki nie byŭ aficyjna ŭładkavany. Jon pryjšoŭ na druhi dzień paśla sumoŭja pahladzieć, jak arhanizavana praca na kuchni, kab vyrašyć, ci padychodzić jamu. U vyniku byŭ vypisany štraf.
Jasinski zhadvaje, što davodziłasia vyrašać prablemy i z žycharami doma, u jakim znachodzicca «Karčma». Susiedzi skardzilisia na vientylacyju ŭstanovy. Pa ich słovach, kali jana pracuje, to ŭ ich kvateru «syplecca popieł». U vyniku daviałosia vyklikać śpiecyjalnyja słužby, jakija za «narmalnyja hrošy» pračyścili vientylacyju.
«Usio pravieryli, usio zrabili. Usio šykoŭna. Prychodzić susiedka i kaža: «A vy jaje nie ŭklučajcie, kab jana nie hrymieła. Ok. My nie ŭklučajem. Prychodzić miesiac-dva. Susiedzi pišuć skarhu (i heta žančyna taksama), što idzie pach ad dranikaŭ. Prychodzić inśpiekcyja i zahadvaje, kab vientylacyja była zaŭsiody ŭklučana. My ŭklučajem. Prychodzić susiedka sa skarhami na šum. My havorym, što vy napisali skarhu, pryjechała inśpiekcyja zahadała ŭklučyć. Usio tam narmalna. Pa normach. Ok. Jana pierastała prychodzić», — zhadvaje Illa.
Ale apošnim časam, adznačaje Jasinski, kolkaść skarhaŭ pavialičyłasia. Pryčym, pa jaho słovach, jany nakiravany nie na toje, kab «damahčysia spraviadlivaści ci palepšyć niešta, a prosta kab było drenna».
Mužčyna zaŭvažaje, što stvarajecca ŭražańnie, što ŭ horadzie dziejničaje «sapraŭdnaja mafija»: «ludzi pamiž saboju razmaŭlajuć i chvalacca, kolki chto začyniŭ kaviarniaŭ, kolki skarhaŭ napisaŭ».
Hladzicie całkam:
Prakopjeŭ krytykuje prapanovu kapitulavać: Kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ8
Kamientary
Ale nalepki sa ściaham JEZ dy prypiska słova "Europos" da nazvy kožnaj ustanovy pačynajučy ad univiersitetaŭ, zakančvajučy vuličnymi prybiralniami, nia vielmi na štości ŭpłyvajuć, ščyra kažučy. Miantalnaść taja samaja.