Što za skandał z palihrafistam Malikavym i jaho zajavaj u KDB? Tłumačym, u čym sens
Pa kanśpirałahičnych biełaruskich telehram-kanałach, blizkich da błohiera Vitala «Virusa» Kandracienki raznosicca «siensacyjnaja» navina — internaŭty znajšli ŭ bazie zvarotaŭ u KDB imia palihrafołaha Siarhieja Malikava. Heta toj samy čałaviek, jaki praviaraŭ na detektary chłuśni apazicyjnych siłavikoŭ. Kanśpirołahi robiać biezapielacyjnuju vysnovu — «vykryty čarhovy krot», a Śviatłana Cichanoŭskaja i «Bajpoł» z «Biełpołam» maŭčać. Davajcie raźbiracca ŭ historyi.
U bazie KDB sapraŭdy jość zvarot ad imieni Siarhieja Malikava. 28 lipienia 2020 hoda jon adpraviŭ paviedamleńnie «Dobry. Zajava ŭ dadatku. Dziakuj». Što było ŭ dałučanym fajle, u bazie nie vidać.
Ale možna ŭzhadać, što adbyvałasia 28 lipienia 2020 hoda. Heta dzień masavaha adpraŭleńnia chadajnictvaŭ z prośbaj vyzvalić ź SIZA Viktara Babaryku. Kamanda pretendenta na pasadu prezidenta zaklikała hramadzian padpisać chadajnictvy — niechta adnosiŭ uručnuju ŭ KDB (i byŭ zatrymany), niechta nakiroŭvaŭ pa pošcie, niechta adpraŭlaŭ praz formu na sajcie KDB.
Pa słovie «Babaryka» za 28-30 lipienia 2020 ŭ bazie znachodzicca niekalki dziasiatkaŭ zvarotaŭ. Ludzi kapiravali šabłon, raspracavany jurystami Babaryki. U śpisie padpisantaŭ i viadomyja palityki, i budučyja palitviaźni.
Niechta ŭdrukoŭvaŭ tekst zvarotu niepasredna ŭ akno sajta, niechta adpraŭlaŭ dałučanym fajłam. Vyhladaje, mienavita tak i zrabiŭ Siarhiej Malikaŭ.
U jakaści dadatkovaha dokazu jaho nibyta niačystaj bijahrafii psieŭdarasśledavalniki vystaŭlajuć skrynšot z sajta Malikava. Jon vystaviŭ tam padziaku, atrymanuju ad baranavickaj milicyi «za aktyŭny ŭdzieł u raskryćci złačynstva i zatrymańni złačyncy». Paznačana, što padziaka źjaviłasia ŭ storys u 2021 hodzie.
Malikaŭ raniej sapraŭdy byŭ siłavikom, ale niaŭžo jon praciahvaŭ supracu ź milicyjaj ažno ŭ 2021 hodzie?
Davajcie pahladzim, kim padpisana padziaka. Heta vykanaŭca abaviazkaŭ načalnika Baranavickaha HAUS V.A. Łankuć. Kali zahuhlić heta imia, to možna daviedacca, što Viačasłaŭ Adolfavič Łankuć sapraŭdy ŭznačalvaŭ baranavickuju milicyju, ale tolki da 2010 hoda. Paśla jon paśpieŭ pakiravać baranavickim adździaleńniem Biełpošty, a ŭ 2020 adkryŭ IP — akazvaje jurydyčnyja pasłuhi.
Naturalna, u 2021 hodzie jon nie moh vypisvać ad imia milicyi nijakuju padziaku.
«Naša Niva» — bastyjon biełaruščyny
PADTRYMAĆ«Hatovy akazać usialakaje ŭzajemadziejańnie». Doktar-biełarus z Partuhalii piać hadoŭ prasiŭsia supracoŭničać z KDB
«Moj muž Ihar Kušnierski pieradaje bujnyja sumy najaŭnych hrošaj Łatušku i Puciłu». Što heta za danos?
U bazie zvarotaŭ u KDB — bolš za 40 chadajnictvaŭ ab vyzvaleńni Babaryki
Sudździa, jakaja vynosiła prysud Cichanoŭskamu, prasiłasia viarnucca na pracu ŭ KDB. Ale jaje nie ŭziali
Ciapier čytajuć
Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj1
Kamientary