16-hadovaja školnica trapiła ŭ reanimacyju paśla viečarynki ŭ Homielskim rajonie
Jak paviedamlaje MUS, incydent adbyŭsia «niekalki tydniaŭ tamu». Dziaŭčyna była dastaŭlena ŭ reanimacyju ź pierałomam kaściej zvodu čerapa.
Momant na videa, kali małady čałaviek źbivaje dziaŭčynu
Jakim čynam školnica atrymała traŭmu, nie paviedamlajecca. Na videa, jakoje pakazvaje MUS, bačna, jak małady čałaviek kidaje dziaŭčynu na padłohu i źbivaje. Ci heta mienavita toj vypadak, nieviadoma.
«Na žal, anałahičnych vypadkaŭ šmat», — dadaje MUS.
U MUS nahadali, što ŭ minułym hodzie niepaŭnaletni chłopiec u Śvietłahorsku skoknuŭ z 9 paviercha. Z pačatku hoda supracoŭnikami inśpiekcyj pa spravach niepaŭnaletnich užo vyjaŭlena bolš za 120 pjanych viečarynak. U ich brali ŭdzieł zvyš 400 dziaciej. Da administracyjnaj adkaznaści za raśpićcio z padletkami ałkaholu pryciahnuty 180 darosłych.
Kamientary