Łukašenkaŭskija prapahandysty raźviali adnaho z kandydataŭ u prezidenty Litvy
Intervju adnaho z kandydataŭ u prezidenty Litvy Hiedrymasa Jahlinskasa niečakana źjaviłasia na biełaruskim dziaržaŭnym telekanale «Biełaruś 1». Jon śćviardžaje, što trapiŭ u rasstaŭlenuju pastku, pakolki pa dobraj voli hetamu resursu jaho b ni za što nie daŭ, piša Delfi.lt.
«Da mianie pa intervju aficyjna źviarnuŭsia apazicyjny rasijski partał Meduza, paśla hetaha niečakana intervju źmiaścili na biełaruskim prapahandysckim kanale z raznastajnymi vatnickimi ŭpryhožvańniami. Što mahu skazać, heta acenka. Padobna, prapahandystam niespakojna z-za mocnaj i biaśpiečnaj krainy, za jakuju my pavinny zmahacca jak nikoli.
Što tyčycca źmiestu intervju — tut ja spakojny, ale trapić na taki kanał było ščyra niepryjemna. Z majho boku, parada ŭsim kaleham — vielmi adkazna acanicie, ci varta kamientavać niešta navat «apazicyjnym» kanałam», — napisaŭ u sieradu ŭviečary Jahlinskas.
Redakcyja Delfi źviazałasia z hałoŭnym redaktaram «Mieduzy» Ivanam Kałpakovym, jaki paćvierdziŭ, što «Mieduza» nijakaha dačynieńnia da atrymanaha Jahlinskasam lista nie maje. Usie listy žurnalistaŭ vydańnia rassyłajucca ź sierviera «Mieduzy», a situacyja ź listom i intervju vyhladaje jak prank.
Akramia taho, na dumku Kałpakova, list napisany vidavočna nie žurnalistam.
Jahlinskas — adzin z 8 kandydataŭ na pasadu prezidenta Litvy. Jahonuju kandydaturu vyłučyŭ Demakratyčny sajuz «U imia Litvy».
ABSIE admoviłasia nazirać za vybarami prezidenta Litvy. Admova źviazanaja ź Biełaruśsiu
U Litvie startavała daterminovaje hałasavańnie na vybarach prezidenta i refierendumie. Ale doŭžycca ŭsiaho try dni
Rasśledavalniki vinavaciać samaha bahataha kandydata ŭ prezidenty Litvy ŭ handli ź Biełaruśsiu ŭ abychod sankcyj
Kamientary